Пулдырчо (рушла Обыкновенный перепел, лат. Coturnix coturnix) — кужу шулдыран, кӱчык почан, пасушто але олыкышто илыше фазан еш гыч кайык. Капше 16—20 см, нелытше 80—145 г.

Пулдырчо
Пулдырчо муно

Характеристке тӧрлаташ

Шарлымаш тӧрлаташ

Пулдырчо Европа, Африка, Касвел Азийыште ила. Российыште - эрвелне, Байкал марте. Олыкыштат, курык коклаштат ила. Тӱҥ шотышто Африкыште да Индостаныште телым эртара. Кечывалвелыш Вӱдшор тылзе тӱҥалтышыште толеш, йӱдвелке - Ага тӱҥалтышыште.

Шукеммаш тӧрлаташ

Кунам шудо кушкын кӱза, пулдырчо кычкыраш тӱҥалеш, узо-влак ава-пулдырчо верч таҥасаш туҥалыт. Пыжашым мландыште оптат. Ава 8-20 муно наре мунычмеке тудым 15-17 кече наре пӱкта, узо деч посна вара пӱктен луктеш. Пулдырчо мунышто шем-кӱреналге пале-влак улыт.