Абрамов, Павел Егорович
Павел Абрамов (Павел Егорович Абрамов) (1934 идым 26 Суас Эл, Камша кундем, Ямаслоҥго ял) — марий семлызе, мурызо.
Павел Егоровын аваж ден ачажат, Егор Егорович ден Фекла Николаевна, моткоч мураш йӧратеныт. Кажне кастене Абрамовмытын тӧрза гычынже ял мучко сылне марий сем йоҥген. Изи Павыл изи годсекак гармоньын куатшым шижын. Павел Егорович Абрамов Элнет школышто тунемын. Школышто тунеммыж годымак хорын ик эн чолга солистше лийын, тудын ойыртымалтше мотор йӱкшӧ кажным кумылаҥден, сымыстарен.
Школым тунем пытарымеке Павел Егорович Пошкырт Элысе Краснокам педучилищыш тунемаш пура. Тушто тудо скрипке дене шоктышо ансамбльым чумыра. Вара тӱҥалтыш школышто пашам ышташ тӱҥалеш, тыштат ансамбль шочеш. Павел Егоровын шочмо Элнет школышко пӧртылеш. Тыште талантан айдеме драм кружокым почеш. Павел Егорович Палантай лӱмеш училищыш, дирижерско-хоровой пӧлкашкыже, тунемаш пура.
Тудо пӱтынек сем аланышке кусна, марий композитор-влак дене пеҥгыде кылым кучаш тӱҥалеш да икымше марий "Акпатыр" оперым шындымаште шке мастарлыкшым терга. Тудын произведенийже коллективный сборникыште савыкталт лектеш. Вара тудын погымо мур сборникше лектеш, мурыжо республик кӱкшытан газетлаште савыкталтыт. Павел Егорович Абрамов шуко хор дене пашам ыштен, мутлан Озаҥ оласе Никольский кафедрал соборышто. 25 ий жапыште черке хорлан семым возен шоген да шке надыржым пыштен, да ола гыч олашке коштын. Могай гына олаште лийын огыл: Ялтыште, Керчьыште, Евпаторийыште, Саранскыште, Пензыште да тулеч моло.
Кажне олаште тудым поро кумыл дене вашлийыныт, тыгак Граховыште, кушко тудо Суас Эл Камша кундем Элнет ял гыч, А. И. Искаков ӱжмӧ дене, йолын толеш. Грак Христорождественский черке пелен духовный муро ансамбльым чумырен. Да тыгак марий калык "Пеледыш" ансамбльым чумыраш шке надыржым пыштен.
Йошкар-Олалан 420 ий темме лӱмеш пӧлеклалтше книгаште Павел Егоровичлан Марий Эл республикын Кугыжаныш Собраний таумутым возен. Тиде книгаште "Поро эр, Йошкар-Ола" мурыжо савыкталтын. Павел Егорович талантан музыкант, тале хормейстр да тыгак сай да поро еҥ, кудо эртык марий йӱлаште шке кышажым коден.
П. Е. Абрамовын кок мурыжо
тӧрлаташМарий калыкем йӧратем
- Эртен коштым тӱрлӧ верым,
- Ужын коштымӧ кеч-куштат.
- Шочмо эл деч эн сай верым
- Шым уж мые нигуштат.
- Припев: Шерге марий калыкемжым
- Шокшын-шокшын йӧратем.
- Сай пашамым, шӱм-чонемым
- Мый тудлан эре пуэм.
- Припев: Шерге марий калыкемжым
- Теҥыз гае пасунаже.
- Поян шурно сай шочеш.
- Кумда, ужар олыкнаже
- Посто гае пеледеш.
- Припев: Шерге марий калыкемжым
- Шокшын-шокшын йӧратем.
- Сай пашамым, шӱм-чонемым
- Мый тудлан эре пуэм.
- Припев: Шерге марий калыкемжым
- Уста рвезе калыкнаже
- Паша чон ден кушкалеш
- Иза-шольо ик еш гае
- Марий калык илалеш
- Припев: Шерге марий калыкемжым
- Шокшын-шокшын йӧратем.
- Сай пашамым, шӱм-чонемым
- Мый тудлан эре пуэм.
- Припев: Шерге марий калыкемжым
Изи йоча улына
- Изи йоча улына
- Садикыш ме коштына.
- Тря-ля-ля, тра-ля-ля,
- Садикыш ме коштына
- Муренат ме моштена,
- Куштенат ме моштена.
- Тря-ля-ля, тра-ля-ля,
- Куштенат ме моштена.
- Мурена да куштена,
- Весела ме улына.
- Тря-ля-ля, тра-ля-ля,
- Весела ме улына.