Алексеев, Виталий Михайлович

Виталий Михайлович Алексеев (14 Идым 1946 шочын), семлызе, Марий Элын сулло сымыктыш пашаеҥже да Марий Эл Республикын Калык артистше. Морко кундем Нуръялыште шочын.

Москосо консерваторийым тунем лекмек, Шкетан лӱмеш драмтеатрыште сем пӧлкажым вуйлатен, а 1998-ше ийыште Искандаров лӱмеш капеллыштат тыршаш тӱҥалын. Икымше марий мюзиклын, симфоний семӱзгар произведений-влакын, ятыр романсын да мурын авторжо. А «Морко сем» спектакль мурылан семым келыштарымыжлан кугыжаныш премий дене палемдалтын.