Википедийын каҥашымашыже:Тӱшка

Абсурдло шомак-влак

Эше ик абсурдан шомакым муым: тӱрлык. Очыни, тудын авторжо руш йылмысе "разновидность" шомакым ыштынеже улмаш. Но тӱрлык мутым рушлашке мӧҥгеш кусарыме годым "окраинность" шомак дене веле кусараш лиеш (тӱр - край, + -лык). Нимогай "разновидность" огыл. Разновидность-ым - тӱрлылык семын кусараш лиеш. Такшым тудыжат тӱрысынек келшен ок тол, молан манаш гын, утларакшым - "разнообразие" шомаклан келшен толеш (мутерлаштыжат туге пуалтеш). Очыни, ОЙЫРТЕМЛЫК у шомакым ыштыме нерген шоналташ лиеш. Cseremisz Elian

Мыланем абсурдло мут ок келше. Абсурдный мут рашрак да умылыманрак лиеш ыле. Но тыште — лач шке верыштыже лийын шога. Тӱрлык мут — вот тидыже мут так мут, чынжымак абсурдло. Вигак гын мыят нигузе шым керт сеҥен, мом гын тиде ончыкта. Черемис йолташ чыным ойла. Тыгай мут-влак кусарен шындыме интерфейсыште пеш чӱчкыдын вашлиялтыт. Нуным, каҥашымаш гоч, тӧрлаташак кӱлеш. Сергей Иванов (обсуждение) 17:36, 10 Кылме 2013 (UTC)

Мыламат ок келше тӱрлык мут, кеч мый тудым кучылтынам гынат. Но кузе „Виды спорта” муткылдышым кусараш, мутлан? Спортын видше? Тугеже молан кусараш, рушлаак кодаш - рашрак лиеш. Тыгай паша. Темлыза, йолташ-влак. --Санюн Вадик14:33, 11 Кылме 2013 (UTC)