Викиувер: Марий Элыште газым пуртымо паша умбакыже шуйна

Республикым газифицироватлыме шотышто штабын заседанийже лийын. Тудым Марий Эл правительствым вуйлатышын икымше алмаштышыже Александр Сальников «Газпромын» еҥже- влак дене пырля эртарен. Тушто шуктымо пашам иктешлыме да Россий Прездентын кундемлаште догазификацийым виктарыме шотышто кӱштымашыжым кузе шуктен толмо нерген мутланыме.

Тений чылаже изи куатан 11 распределительный газпучым чоҥаш кӱлеш, а 2023-шо ийыште кум пучым, 24-ше ийыште 18 газпучым чоҥаш палемдыме. Догазификаций план-графикыш ныл тӱжем утла суртым пуртымо. А газым пуртыдымо пӧрт куд тӱжемат 966-ыт шотлалтеш. Калык газым пурташ йодмашым пуаш ок вашке. Молан манаш гын, ятыр пӧртшын погылан права шотышто документше ямде огыл.

«Марий Эл» кугыжаныш теле да радио компанийын сайтыштыже лудаш