Тӱҥ менюм почаш

Википедий β

Война увер

(Колтымо Война увэр гыч)
"Война Увэр" газетын комжо 1918 ий

Война увер (оригинал лӱм - Война увэр) — икымше марий йылме дене возымо газет. 1915 ийыште Пургыж тылзыште 4 кечыште Вяткыште икымше номер савыкталтын. Тидлан негызым Павел Петрович Глезденев пыштен. Икымше Тӱнямбал Сар нерген уверым умылтарен. Павел Глезденёв тиде газетым кум йылме дене возен: марла "Война Увер", суасла "Сугыш хабарляре", одо йылме дене "Войнаысь ивор".

Тылзыште кок гана савыкталтын, ик номерлан возалтмаш ак 1 теҥгеат 20 ыр палемдалтын. Тӱжвач ончымаште тунемшын тетрадьшыла койын. Материал-влак кандаш страницеш кок радам (колонко) дене вераҥдалтыныт. Газетын икымше кок номерже аралалт кодын огыл, 30 номерже мемнан жап марте шуын.

1915 ийыште лу номер лектын. Талук мучаште губернийын земствыже инородческий газет редакцийлан оксам ойырымым чарнен, тунам П. Глезденев шке оксаж кӱшеш савыкташ тӱҥалеш, икмыняр спонсор ден лудшо-влак изирак окса дене полшеныт. Тунам газетлан 212 марий, 300 одо, 222 суас возалтыныт. Тыгак 60 кнагапӧрт ден 60 школ налын шогеныт.

Чумыр тираж 1300 экземплярыш шуын.

1916 ий мучашлан газетлан возалтше-влак коклаште 412 марий, 222 суас, 360 одо лийыныт. А талук гыч газетым 1680 марий еҥ лудын.

1917 ий Ага тылзыште "Война Уверым" Озаҥыште савыкташ тӱҥалыме. Пытартыш номерже 1917 ий 15 Идым тылзыште лектын.

НегызТӧрлаташ