Вокали́з (лат. vocalis — йоҥгышо, мурышо) — мут деч посна йоҥйӱкла дене гына мурымо айдеме йӱк дене йоҥгалтарашлан музык пьесе. Тугак тиде термин дене мурымаш мастарлык могырым айдеме йӱкым вияҥдашлан келыштарыме упражнений-влакым лӱмдат.

Вокализ 18-ше курым кыдалне шочын. Мут деч посна айдеме йӱк дене йоҥгалтарыме икымше произведений-влаклан Люлли ден Рамо композитор-влакын упражненийышт шотлалтыт. Воклиз техникыште возымо упражнений-влак туныктымаште 19-ше курым марте кумдан кучылталтыныт.

19-ше курымышто вокализ фортепиано аккомпанентан этюд-влаклан кӧра популярлыш савырна. Мутлан, ту жапыште Джузеппе Конконын вокализше-влак кумдан популярле лийыныт.

Эн палыме вокализ негызеш возымо произведений-влак: Рахманиновын «Вокализше», М. Равельын «Хабанерыже» , Вилла-Лобосын «5№-ан Бразилийсе бахианыже», Р. Глиэрын Йӱк ден оркестрлык концертше.

Тугак ончо тӧрлаташ

Литератур тӧрлаташ

  • Музыкальный словарь в рассказах / Михеева Л. — М.: 1986 г. 176 с.