Тӱҥ менюм почаш
Ял
Вӱлэҥер
рушла Мари-Ошаево
Эл Россий
Регион Киров вел
Муниципал кундем Пыжанъю кундем
Ял илымвер Вӱлэҥер
Координат-влак Координат-влак: 57°24′50″ с. ш. 48°29′30″ в. д. / 57.413889° с. ш. 48.491667° в. д. (G)57°24′50″ с. ш. 48°29′30″ в. д. / 57.413889° с. ш. 48.491667° в. д. (G) (Я)
Тошто лӱм-влак Ошаевка
Рӱдын кӱкшытшӧ 128 м
Калыкчот 369 еҥ (2004)
Калык-влак марий — 98% (2002)
руш — 2% (2002)
Инаныше-влак танле, чимарий
Телефон код +7 83355[1]
Почто индекс 613390[2]
Код ОКАТО 33 231 551 015[2]
Вӱлэҥер (Россий)
Red pog.png
Вӱлэҥер
Red pog.png
Моско
Вӱлэҥер (Киров вел)
Red pog.png
Вӱлэҥер
Red pog.png
Киров

Тиде мутын вес ыҥже-влак улыт. Вӱлэҥер (ыҥ-влак) ончал.
Ялыш пурымашыште кевыт.

Вӱлэҥер, Марий Ошай (рушла Мари-Ошаево) — Российыште Киров велын Пыжанъю кундемыштыже верланыше Вӱлэҥер ял шотан илемыш пурышо ял. Вӱлэҥер — Вӱлэҥер ял шотан илемын рӱдерже. Илыше еҥ-влак коклаште кас-йӱдвел марий-влак (маре) утларак улыт, сандене тиде ялым Киров велысе марий тӱвыра рӱдерлан сайленыт. Ял кок пелылан шелалтеш — Ӱлыл Вӱлэҥер да Кӱшыл Вӱлэҥер. Кок пеле коклаште кугорно да изи олык верланен. Туге гынат ик яллан шотлалтыт, вольыкым пырля кӱтат.

Вуйлымаш

ИнфраструктурТӧрлаташ

 
Киров велысе марий тӱвыра рӱдер Вӱлэҥер ялыште верланен.
 
Почтовый урем.

90-ше ийлаште Йошкар-Ола гыч Вӱлэҥер марте кугарня, шуматкече, рушарнян рейс автобус коштын. Калык чот иземме дене 2005 ийыште автобус коштмым чареныт. Тачысе кечын кӧ Марий Элыш кайынеже — Пыжанъю марте эн ончыч мийыман. Пыжанъю марте кугорно гоч 5 километр.

Ялыште Киров велысе марий тӱвыра рӱдер верланен. Кызыт Алевтина Чельникова вуйлата. Йоча-влак кушташ, мураш коштыт, кугарнян дискотеке-влак эртат, рӱдер пайрем, концерт-влакым эртара. Пайрем-влак коклаште эн кугу — кеҥежымсе Пеледыш пайрем.

Ялын тӱҥ озанлыкланже СПК "Ошаевский" шотлалтеш. Озанлык ферме, олык, пасу, нур-влакше икмыняр яллаште верланеныт, но вуйлатыше-влак, бухгалтерий, технике гараж, ачалыме вер, тӱҥ аппарат-влак Вӱлэҥерыште улыт. Ял калык тыште пашам ышта, шке суртышто пашам ыштен шукташлан техникым айла. Озанлык технике дене ялласе урем-влакым эрыктат.

Вӱлеҥерыште водопровод уло. Ялыш йӱдвел гыч пурет гын — вӱдым шупшшо башне коеш. Туге гынат, кажне пӧртыш вӱд ок пуро, шукынжо уремысе кран гыч вӱдым йӧктарат да ведра дене пӧртыш нумалыт. Южышт шлангым пӧрт деке шупшыныт. Водопровод пуч тоштемын, чӱчкыдын кӱрылтеш, сандене шукын пӧрт воктене тавым кӱнчат.

Ял воктене Вӱлэҥер (рушла Безымянная) эҥер йога, Пижанка эҥерыш ушна. Вӱлэҥер да Максиволык ял коклаште 1996 ийыште пӱям пӱеныт. Кеҥежым калык пӱя ӱмбачын коштеш, а вӱдыштыжӧ йӱштылалтыт, колым кучат.

ШколТӧрлаташ

Эҥер серыште кок пачашан школым чоҥеныт. Кызыт школ пӧртышкӧ йочасадым кусареныт. "МОУ СОШ д. Мари-Ошаево" официал лӱмым нумалеш. Школышто марий йылмым, литературым, марий калыкын тӱвыра да эртымгорныжым туныктеныт, кызыт нине предмет-влак факультатив семын гына кодыныт. Марий йылме да литературым Русинова Лилия Ивановна туныкта, марий калыкын тӱвыра да эртымгорныжо (ИКМН) предметым Анисимов Аркадий Кузьмич туныктен, кызыт сулен налме канышыш лектын. Кок туныктышоат Марий Эл республик гыч толын.

Ынде ятыр ий школым Унженин Владимир Васильевич — марий мер пашан чолга еҥже, сӱретче вуйлата.

ЭртымгорноТӧрлаташ

Ондак ял верыште кугу чодыра шоген. Марий-влак тыште шке илымверыштым чоҥеныт, эҥер лӱм дене ялымат лӱмдаш тӱҥалыныт. Кунам Яраҥ гыч ялым возашлан статист-влак толыныт, ялыште эн кугу суртым Ошай лӱман марий кучен. Яллан Мари-Ошаево руш лӱмым пуэныт. Вара тиде мут кальке семын марий йылмыштат кучылталташ тӱҥалын. Ялысе марий-влак (маре-влак) ялым Вӱлэҥер лӱмдат.

Лӱмлӧ еҥ-влакТӧрлаташ

Тугак ончоТӧрлаташ

Важ-влакТӧрлаташ

  1. Телефонные коды Кировской области (Пижанка).
  2. 2,0 2,1 Справочник почтовых индексов / кодов ОКАТО /налоговых инспекций ФНС / адресов. Мари-Ошаево (деревня).
  3. Электронный банк документов «Подвиг народа в Великой Отечественной войне 1941-1945 гг.».
  4. Йошкар Шӱдыр орден дене наградитлыме Наградной лаштыкыште палемдалтын. СССР Президиум Верховный Советын Указше. 22.12.1942 ий.
  5. Электронный банк документов «Подвиг народа в Великой Отечественной войне 1941-1945 гг.».
  6. Электронный банк документов «Подвиг народа в Великой Отечественной войне 1941-1945 гг.».
  7. III степенян Чап орденым кучыктымо Наградной лаштыкыште палемдалтын. Пр. 160-го ОТРП №04/н 08.08.1944 ий
  8. Электронный банк документов «Подвиг народа в Великой Отечественной войне 1941-1945 гг.».
  9. Электронный банк документов «Подвиг народа в Великой Отечественной войне 1941-1945 гг.».
  10. Электронный банк документов «Подвиг народа в Великой Отечественной войне 1941-1945 гг.».
  11. Электронный банк документов «Подвиг народа в Великой Отечественной войне 1941-1945 гг.».
  12. Электронный банк документов «Подвиг народа в Великой Отечественной войне 1941-1945 гг.».
  13. Электронный банк документов «Подвиг народа в Великой Отечественной войне 1941-1945 гг.».