Денисова, Татьяна Яковлевна

Татьяна Денисова (1965 сорла 10, Марий АССР, Морко кундем, Масканур ял) — марий мурызо, Марий Эл Республикысе тӱвыран сулло пашаеҥже (1998), Марий Эл Республикын сулло артистше (2003).

Татьяна Яковлевна Денисова
Татьяна Денисова
Портрет
Марий мурызо Татьяна Денисова. 2013 ий.
П. Васильевын фотожо.
Тыршымаш алан:

мурызо

Шочын:

1965 ий 10 сорла(1965-08-10) (57 ий)

Шочмо вер:

Марий АССР, Морко кундем Масканур ял

Эллык:

Совет Ушем Совет Ушем
Россий Россий

Йоча-влак:

Иван

Чап пӧлек да премий:
Логотип Викисклада Татьяна Яковлевна Денисова Викиклатыште
Марий мурызо Татьяна Денисова сценыште.
П. Васильевын фотожо.

Ӱмыргорно да усталык пашаПравить

ЯлыштеПравить

Морко кундем Масканур ялеш шочын. Ачажат гармоньчо лийын, аважат мураш йӧратен. Школ деч вара 24-ше № Моркысо СПТУ-м тунем пытарымеке (1983), Моркышто штукатур-малярлан пашам ыштен. Училище пелен "Рвезылык" ансамбль лийын, Татьяна тушто солист семын мурен.

Йошкар-ОлаштеПравить

1985 ийыште Йошкар-Олашке толеш да парикмахерлан ышташ тӱҥалеш. Тиде ийынак "Марий памаш" ансамльыште шуаралташ тӱҥалеш. Гармоньымат шокталта. 1993 ий гыч соло-концерт-влакым Марий Эл мучко гына огыл, Россий мучкат ончыкта. Россий кӱкшытысӧ да калык-влак кокласе муро конкурслаште дипломант лӱмым сулен. Марий эстрадыште ик эн йӧратыме мурызо-профессионал-влак коклаште. Марий Эл Республикысе тӱвыран сулло пашаеҥже (1998) да Марий Эл Республикын сулло артистше (2003) лӱмым сулен.

ЕшПравить

Эргыже Иван уло. Шорт-трек спортсмен улеш, Россий кӱкшытысӧ таҥасымашлаште шуаралтеш.

Марий Эл Радиошто йоҥгышо мурыжо-влакПравить

Шкет мурымашПравить

Уремет воктене

  • Ачай-авай
  • Ах, шовырем
  • Вучыдымо вашлиймаш
  • Изи кайык
  • Ит ончал
  • Ит чамане
  • Кум корно
  • Ломбо
  • Лӱҥгалтыш (RMX)
  • Марий ӱдыр
  • Марий Элем
  • Молан
  • Молан (ныжыл)
  • Морко вел
  • Муро пиалем
  • Ондале мыйым
  • Пеледыш пайрем
  • Таҥем-таҥем
  • Таҥем-таҥем (RMX)
  • Тошкемыштем пеледын ломбо
  • Тошто таҥ
  • Тулла йӱлем
  • Тулото
  • Тый кӱлат
  • Ужарге лай
  • Чон мура
  • Шапалга-шапалга
  • Шарнымаш ломбо
  • Шкет гармонь
  • Шуанвондо
  • Каенат
  • Тыяк веле

ДуэтПравить

НегызПравить

  1. Мочаев В.А./Марий Биографий Энциклопедий - Йошкар-Ола, 2007. - 107 лашт.
  2. Марий Эл Радио, Мурсем тӱняште передача.