Икымше Пӱтынь Российысе Марий-влакын погын

Икымше Пӱтынь Российысе Марий-влакын погын (Марий Калыкын Икымше Всероссийский Съездше, але Икымше Марий Погынымаш) — Пӱрӧ олаште эртаралтын. 15 Сӱрем - 25 Сӱрем 1917 ий. Чылажге 178 делегат-влак толын.Эн палыме: Павел Петрович Глезденев, Валериан Михайлович Васильев, Леонид Яковлевич Мендияров.

Файл:I Pogyn jeng-v.jpg

Фотосӱретышто (шола гыч пурлашке): Валериан Васильев, Чавайн Кыргори Серге, Леонид Мендияров, Федор Егоров.

Делегат-влак шуко йодыш-влак нерген каҥашеныт:

• Марий туныктыш. Марий-влак школышто марий йылме дене тунемаш лийшаш.
• Марий йылме. Тыгай пунчалмут лектын:

Марий калыкым аралашлан, шочмо марий йылме вияҥмашлан уло вий дене полшаш кӱлеш. Кӱлдымаш "варваризм"-влакым луктын кудалташ, да чыла ер-влакын да эҥер-влакын да ял-влакын марий лӱмым да айдемын лӱмым да тукымлӱмым саемдаш да арален кодаш.

• Марий банк.
• Марий савыктыш.
• Марий юмынйӱла.
• да моло.

Ялыште марий калыкын шкешамым нӧлталаш пеш тыршеныт. Арака нерген посна каласышт. Могай тудо осалым мер илышлан да айдемылан пуа. Тыгодым уло аракам тӱҥге-вожге пытараш тыршеныт.

Негыз

• (Марий) (Руш.) Марий калыкын погынжо-влак, 1917-2004 ийла. Валентин Колумб лӱмеш рӱдер-тоштер, Йошкар-Ола, 2008. ISBN 5-7590-0990-7