Лексикографий

Лексикографий (грекла λεξικον, lexikon — мутер + γραφο, grapho — возем) — йылмышанчын ужашыже, мутерым ыштыме пашам, мутерым шымлызе шанче.

Марий лексикографийын вияҥден колтымаште кугу суапле пашам кумдан палыме шанче пашаеҥ Валериан Михайлович Васильев - Ӱпымарий ыштен. В.Васильев шуко вере лийын, калыкын тӱрлӧ ойыртемжым, диалектшым шымлен. 1928 ийыште Москваште «Марий мутерже» лектын.