Абрамов, Павел Егорович: версий-влак коклаште ойыртем

Контентым кораҥдыме Контентым ешарыме
Тӧрлымашын возен ончыктымашыже уке
Тӧрлымашын возен ончыктымашыже уке
2 корно:
=== Абрамов, Павел Егорович ===
1934 ийыште 26 сентябрь тылзыште Ямаслонго ялыште, [[Татарстан кундемыште]], шке жапыште [[Удмурт республикышке]] пурышо, Павел Егорович Абрамов шочын. Павел Егоровын аваж ден ачажат-Егор Егорович ден Фекла Николаевна моткоч мураш йӧратеныт. Кажне кастене Абрамовмытын тӧрза гычынже ял мучко сылне марий сем йоҥген. Изи Павыл изи годсекак гармоньын куатшым шижын.Павел Егорович Абрамов Элнет школышто тунемын. Школышто тунеммыж годымак хорын ик эн чолга солистше лийын,тудын ойыртымалтше мотор йӱкшӧ кажным кумылаҥден,сымыстарен. Школым тунем пытарымеке Павел Егорович Пошкырт кундемысе Краснокамск педучилищыш тунемаш пура. Тушто тудо скрипке дене шоктышо ансамбльым чумыра.Вара тӱҥалтыш школышто пашам ышташ тӱҥалеш, тыштат ансамбль шочеш. Павел Егоровын шочмо [[Элнет школышко]] пӧртылеш. Тыште талантан айдеме драм кружокым почеш. Павел Егорович [[Палантай лӱмеш училищыш]],дирижерско-хоровой пӧлкашкыже, тунемаш пура. Тудо пӱтынек сем аланышке кусна, марий композитор-влак дене пеҥгыде кылым кучаш тӱҥалеш да икымше марий "Акпатыр" оперым шындымаште шке мастарлыкшым терга. Тудын произведенийже коллективный сборникыште савыкталт лектеш. Вара тудын погымо мур сборникше лектеш, мурыжо республик кӱкшытан газетлаште савыкталтыт. Павел Егорович Абрамов шуко хор дене пашам ыштен, мутлан Озаҥ оласе Никольский кафедральный соборышто. 25 ий жапыште черке хорлан семым возен шоген да шке надыржым пыштен, да ола гыч олашке коштын. Могай гына олаште лийын огыл: Ялтыште, Керчыште, Евпаторийыште, Саранскыште, Пензыште да тулеч моло. Кажне олаште тудым поро кумыл дене вашлийыныт, тыгак Граховыште, кушко тудо Татарстан республик Менделеевск район Ильнеть ял гыч, [[Искаков А.И.]] ӱжмӧ дене, йолын толеш. Граховыште Христорождественский черке пелен духовный муро ансамбльым чумырен. Да тыгак марий калык [["Пеледыш" ансамбльым]] чумыраш шке надыржым пыштен. Йошкар-Олалан 420 ий темме лӱмеш пӧлеклалтше книгаште Павел Егоровичлан Марий Эл республикын Кугыжаныш Собраний таумутым возен. Тиде книгаште [["Поро эр, Йошкар-Ола"]] мурыжо савыкталтын. Павел Егорович талантан музыкант, тале хормейстр да тыгак сай да поро еҥ, кудо эртык марий йӱлаште шке кышажым коден. Тудо мемнан шарнымаште шуко жап илаш тӱҥалеш!!!
[[Категорий: Палыме еҥ-влакIМервлак I Мер]]