Строганова, Светлана Васильевна: версий-влак коклаште ойыртем

{{‪Викификаций‬}}‬‬‬‬

'''Светлана Васильевна Строганова''' — марий [[актриса]], [[мурызо]], вӱдышӧ. [[Салика (телеспектакль)|«Салика» телеспектакльыште]] Саликан рольжым чоҥымо дене телезритель-влаклан палыме, [[Шкетан театр]]ын ончыл актрисыже улеш. 2007 ий гыч Россий Федерацийысе театральный деятель-влакын Ушемышке пурен.

==Илыш корно==

Светлана Строганова [[У Торъял кундем]] [[Кугу Шуйбеляк]] ялыште [[21 Ага]] [[1976]] ийыште шочын. 10 класс марте У Торъялысе кыдалаш школышто тунемын, 11 классым Тошто Торъял кыдалаш школышто пытарен. [[1993]]-[[1994]] ийлаште [[Иркабаев, Олег Геннадьевич|Олег Иркабаевын]] вуйлатыме почеш [[Марий самырык театр]] пеленысе театр студийыште артист мастарлыкым поген. 1994 ийыште М.С.Щепкин лӱмеш кӱшыл театр училищыш ([[Моско]] ола) тунемаш пурен, училищым йошкар диплом дене пытарен. Тунеммаш деч вара Светлана Строганова [[М. Шкетан лӱмеш Марий кугыжаныш драме театр]]ыш пашаш пурен.

 

Театрыштак пашам ыштен, Светлана Марий кугыжаныш техник университетышке Управлений да право факультетыш «Менеджмент организации» специальность дене тунемаш пурен, 2007 ийыште пытарен.

===Шкетан театрыште===

Кугыжаныш театрыште икымше рольжо - Маюк [[Ачийжат-авийжат (спектакль)|«Ачийжат-авийжат»]] спектакльыште. Моткоч кугу пагалымашым Светлана Строганова Сергей Николаевын пьесыж почеш шындыме «Салика» спектакльыште тӱҥ рольым чоҥымо дене сулен. 1999-2000 ийласе театр тургым иктешлыме почеш Светлана Строганова «Надежда» премий дене палемдалтын.

==Мурымо паша==

Талантан актриса семын гына огыл, виян йӱкан мурызо семынат Светлана Строганова ойыртемалтеш. Тӱҥалтышыште театрысе спектакльлаште муро-влакым йоҥгалтарен, вара [[Марий Эл Радио]]н ротацийышкыж «Мыйын мландем» муро логалын. Тылеч вара Светлана Васильевна чӱчкыдын концертлаште шкешотан мурызо семын мура. 2001 ийыште Моско олаште А.Миронов лӱмеш калык-влак кокласе актёр муро фестивальыште шке мастарлыкшым ончыкта, ты жапыштак [[Угарман]] оласе «Поют актеры драматических театров» фестивальын дипломантше лиеш.

==Кино==

2005 ийыште Светлана Строгановам кумдан палыме российысе кинорежиссёр Александр Рогожкин «Перегон» фильмышкыж Валентинан рольжым модаш ӱжын. Вес ийын тиде фильм «Созвездие» киноактёр-влак калык-влак кокласе фестиваль программышкыже пурен. Тиде рольлан Светлана «За лучшую женскую роль второго плана» номинацийыште сеҥен.

==Чапым палемдымаш==

[[20 Шыжа]] [[2006]] ийыште Марий Эл Республик Президентын кӱштыкшӧ почеш Светлана Строгановалан «[[Марий Эл Республикын сулло артисткыже]]» чап лӱмым пуымо. [[Теле (тылзе)|Теле тылзын]] [[2007]] ийыште Марий Эл Республикын Кугыжаныш премий дене палемдалтын, да М.Шкетан лӱмеш Кугыжаныш премийым сулен.

 

[[Салика (спектакль)|«Салика» спектакльыште]] Саликан рольжым чоҥымылан 2005 ийыште «Эн сай ӱдырамаш роль» номинацийыште Йыван Кырля лӱмеш театр премийым сулен, 2007 ийыште В.Шекспирын пьесыж почеш шындыме «Кожла кокласе омо» («Сон в летнюю ночь») спектакльыште Ошвикан (Гермиян) рольжым чоҥымылан «Кокымшо планысе эн сай ӱдырамаш роль» номинацийыште сеҥен.