Википедий

Деревяшкин, Николай Михайлович: версий-влак коклаште ойыртем

Интерактивная навигация по истории
← Ончычсо тӧрлатымаш-влакВес тӧрлатымаш →
Контентым кораҥдыме Контентым ешарыме
ВизуальныйВики-текст
Frhdkazan (каҥашымаш | надыр)
3837 тӧрлымаш
{{Палыме еҥ}}
Содержимое страницы заменено на «{{Викификаций}} {{Палыме еҥ}} Категорий:Марий серызе-влак Категорий:Ма…»
1 корно:
{{Викификаций}}
{{Палыме еҥ}}
'''Николай Арбан''' (Николай Михайлович Деревяшкин) ({{Шочын|1912|11|30}} — {{Колен|2|05|1995}}) — [[марий]] [[серызе]], [[драматург]], [[семлызе]], [[сӱретче]], [[балейтместер]].
 
Арбан Микал Миклай, ончычсо {{comment|тукымлӱмжо|фамилийже}} Деревяшкин, 1912 ий 30 Кылме тылзыште [[Маскасола кундем]] [[Арбан (Маскасола кундем)|Арбан]] [[ял]]ыште [[кресаньык]] ешеш шочын. Тунам илыш йӧсӧ лийын гынат, самырык рвезе шонен пыштымыжым мучаш марте шукташ тыршен, эше тӱҥалтыш школышто тунеммыж годымак шке мастарлыкшым ончыктен: моторын сӱретлен, пырдыж газетым луктеден, [[скрипке]] денат шокташ тӧчен. Тӱҥалтыш школым тунем пытармеке, Арбан [[Йошкар-Ола]]се шымияш школышто тунемаш тӱҥалеш, тыге [[сымыктыш]] деке утларак лишемаш у йӧн лектеш. Школышто тунеммыж годым театрыш корным такырта. Шымияш школым тунем лекмек, Арбан Миклай театыр пеленсе декоративне {{comment|устапӧртыш|мастерскойыш}} сӱретчелан пашам ышташ пура: афишым возкала, спектакльлан декорацийым ямдылкала. Полмезе рвезын пашаче улмыжым шижын, Марий сем-театыр техникумыш пураш манын, тудлан курсыш тунемаш каяш темлат.
 
[[1929]] ийын театыр студийыш у тӱшкам погат. Арбанат тушко йодмашым воза. Театырыште пашам ыштыме годым массовкышто модмыжым шотыш налын, тунемаш экзамен деч посна пуртат. Тиде студийыште Арбан ик ийым веле тунемеш, тудлан [[Моско]]ш театральный сӱретчелан тунемаш каяш путьовкым кучыктат. А Москоште марий рвезым вес увер вучен: {{comment|Пӱтынь Ушем|Всесоюзный}} сӱретче училищын декоративне пӧлкам [[Санкт-Петербург|Ленинградыш]] кусареныт. Садлан Миклайлан корным умбаке шуяш верештын. Туге гынат черланымылан кӧра {{comment|эмлызе|врач}} «Ленинградыште илаш ом темле» манме справкым кучыкта.
 
Арбан Миклайлан Йолшкар-Олаш пӧртылаш логалын. Тиде ийынак {{comment|сем-студийыш|музыкальный студийыш|}} экзаменым кучымек, Арбан Миклай скрипке пӧлкаште тунемаш тӱҥалеш.
 
Арбан Миклай {{comment|сем-театыр училищым|музыкально-театральный училищым}} [[1934]] ийыште тунем пытара. Лач тиде жапыште тудо сылнымут дек шӱмаҥын, шкежат возкален ончен. Николай Арбан сылнымут пашан ик эн неле ужашыштыже – драмыште - шке вийжым тергаш тӱҥалеш, лач тыште моштымашыжым тапта, усталыкшым ончыкта.
 
Николай Арбан Горьковский куснымо опер театырын артистше семын пашам ышта, [[1935]]–[[1937]] ийлаште [[Йошкар Армий]] радамыште служитла. Йошкар-Олаш пӧртылмеке, Маргосфилармонийыште да Марий театырын оркестрыштыже шокта, тыгодымак мурым возкала, тӱрлӧ койдарчыкым шында. Вес ганаже нунышт Арбанын комедийлаштыже шке верыштым муыт. [[1941]]–[[1942]] ийлаште [[Микал Миклай]] сар оркестыр дене пырля кужу фронтовой корным эртен, тидыже илышым ужмаште, шере-кочыжым палымаште поснак палдырнен. [[1944]] ийыште Миклай «Янлык Пасет» драмым воза, тудым [[Марий театр]] шошым модын ончыкта. Спектакльым калык пеш шокшын вашлиеш. Серызын икымше драмыжым {{comment|виктер|правительстве}} кӱкшын акла да тудлан Марий АССР {{comment|сымыктышын сулло пашаеҥже|заслуженный деятель культуры}} лӱмым пуа.
 
Кумдан палыме «Кеҥеж йӱд» комедийым [[1946]] ийыште возен шукта. Тудо сар деч варасе тыныс илышым ончыктышо сылнымутын икымше саскаже лийын. Арбан Миклай шке пьесылаж дене йоршеш у – лирический сем комедий – жанрым почын.
 
Марий сылнымутын вияҥ толмаштыже изи огыл надырым шотыш налын, [[1954]] ийыште Арбан Микал Миклайым [[ССРУ серызе ушем]]ыш пуртат.
 
[[1994]] ий гыч [[Марий Элын Калык серызе]].
 
[[Категорий:Марий серызе-влак]]
"https://mhr.wikipedia.org/wiki/Деревяшкин,_Николай_Михайлович" гыч налме