Федосеева, Надежда Александровна: версий-влак коклаште ойыртем
У лаштык 'File:Федосеева, Надежда Александровна.jpg|thumb|300px|Федосеева Надежда Александровна, фил…' дене тӱҥалеш |
(Ойыртем уке)
|
11:26, 2 сорла 2018 жаплан версий
Федосеева Надежда Александровна — филологий шанче кандидат (2000).
Илыш корныжо
Н.А. Федосеева 1974 ий 16 февральыште Марий АССР-ысе Курыкмарий район Цыганово ялеш шочын. 1996 ийыште Марий кугыжаныш университетым тунем лектын, специальностьшо: филолог, квалификацийже: марий йылмым да литературым, руш йылмым да литературым туныктышо. 1996—1999 ийлаште Марий кугыжаныш университетын аспирантурыштыжо тунемын, специальностьшо: «Россий Федерацийысе калык-влакын литературышт». Шанче вуйлатышыже — филологий шанче кандидат, доцент Н.И. Куторов. 2000 ийыште «1970—1990 ийласе марий исторический прозын шуко жанран улмыжо» теме дене кандидатлык диссертацийым арален. 2000 ий сентябрь гыч - В.М. Васильев лӱмеш Йылмым, литературым да историйым научно шымлыше марий институтын изирак шанче пашаеҥже, 2001 ий май гыч 2006 ий декабрь марте — кугурак шанче пашаеҥ, 2007 ий январь гыч кызыт марте литератур пӧлкам вуйлата.
«Ежегодник финно-угорских исследований» (УдГУ, Ижевск) шанче журналын редакций советшын, «У сем» сылнымутан да мер-политик журналын редколлегийжын, Марий Элысе кугыжаныш йылме-влак шотышто Марий Эл Республик Виктем пеленсе комиссийын еҥже; 2012 ий гыч Игнатьев лудмашын докладше да материалже-влакым посна сборникыш чумырен шога.
Награде ден чаплӱмжӧ: Марий Эл Республикысе туныктыш да шанче министерствын (2008, 2014), Марий Эл Кугыжаныш Погынын (2010) Чап грамотышт, «Калыклан служитлымаш. Сергей Чавайнлан 125 ий» шарнымаш медаль (2013), «Преподобный Сергий Радонежскийлан 700 ий» Патриарший знак (2014), Россий писатель ушемын республикысе пӧлка правленийжын Чап грамотыж дене палемдалтын, Марий Эл Республик Президентын Таумутшым кучыктымо (2010).
2015 ийыште Н.А. Федосеева «Сӹлнӹшая шӹдӹрвлӓ: кырыкмары писательвлӓн творческий портретӹштӹ» монографийже дене «Урал йылмыла дене шанче шымлымаш» номинацийыште Родо-тукым калык-влак Программын премийжын лауреатше лийын (Тарту, Эстоний).
Кызыт В.М. Васильев лӱмеш Йылмым, литературым да историйым научно шымлыше марий институтын сылнымут пӧлкажым вуйлата.