Михайлов, Виталий Тимраевич: различия между версиями

Нет описания правки
'''Михайлов Виталий Тимраевич''' - марий фольклорым шымлызе, [[Марий кугыжаныш университет]]ын пашаеҥже, педагогике шанче кандидат (2005), доцент (2010).
 
== Илыш корныжо ==
1954 ий 28 апрельыште Башкир АССР Балтач районысо Мишкан ялеш шочын.
 
1977 ийыште Н.К. Крупская лӱмеш Марий кугыжаныш педагогике институтын историй-филологий факультетшым тунем пытарен, специальностьшо — марий йылмым да литературым, руш йылмым да литературым туныктышо. Институт деч вара Виталий Тимраевич Михайловын пӱтынь пашаче илышыже туныктымаш сомыл дене кылдалтын: Башкир АССР-ысе Иванай кыдалаш школышто да Марий АССР Волжск районысо Ярамарий тӱҥ школышто руш йылмым да литературым туныктышылан, Ярамарий школ директорын туныктымо да воспитатлыме паша шотышто алмаштышыжлан да директорлан, МАССР-ысе Волжск районысо туныктыш пӧлкан методистшылан, районысо методике кабинетым вуйлатышылан, Марий туныктыш институтышто марий филологий да культурологий кафедрын методистшылан да кугурак туныктышыжлан ыштен.
 
Туныктымаш пашаште чумырымо опытым икташлаш тыршымыже да шанче пашалан чак пижаш кумылан улмыжо тудым Марий кугыжаныш педагогике институтын педагогике да психологий кафедрыж пеленсе аспирантурыш конден, тыште тудо 2001—2004 ийлаште тунемын. Аспирантурышто шанче шымлымаш пашаже «Национальный школлан у тукым учебник-влакым ямдылымашын концептуальный негызше (Марий Эл Республикын примерже почеш)» кандидатлык диссертацийыш погынен, тудым 2005 ийыште арален. Тушто марий национальный туныктымаш литературын вияҥын толмо корныжым мемнан элысе педагогике наукышто икымше гана тӱрыс иктешлен ончыктымо, тиде вияҥмаш корнын тӱҥ йыжыҥлажым палемдыме, концептуальный манме негызшым рашемдыме, шанче да туныктымаш пашаште тудын куатшым кӱрылтде кучылташ кӱлмым негызлыме, у жаплан келшыше марла туныктымаш книган концепций манмыжым ыштыме.
 
Тудын шанче пашаштыже вес тӱҥ йыжыҥ — Марий кундемыште туныктымаш пашан вияҥ толмыжым шымлымаш, кызытсе жапысе туныктымашын теорий дене кылдалтше негызшым, педагогике да калык педагогике дене кылдалтше ойыртемжым рашемдымаш, туныктымаш да воспитатлымаш пашаште демократий шонымашым илышыш шыҥдырамыш. В.Т. Михайлов марий сылнымут историй дене, марий литературоведений йодышла да школышто литературым туныктымаш методике дене статья-влакым возен.
 
Тудын шанче шымлымаштыже тӱҥ корно-влак тыгай улыт — чумыр педагогике, педагогикын да туныктымаш пашан историйже, калык педагогике, национальный школ-влаклан туныктыш-методик комплектлам ямдылыме йодыш, марий литературын да марий литературоведенийын вияҥме корныжо. Шанчыеҥ могай гына шымлымаш йыжыҥым тарватен огыл, чылашкыжат шке надыржым пыштен. Тудын 150 утла шанче савыктышыже уло, нунын коклаште: монографий, вузлан учебник, туныктымаш-методик пособий, шанче статья-влак, ойсавыш ден аклыме мут-влак.
 
Виталий Тимраевич Михайлов «Ончыко» сылнымутан да мер-политик журналын редколлегий еҥже.
 
Награде ден чаплӱмжӧ: В.Т. Михайлов Марий туныктыш институтын чап грамотыжо (2004), «Марий Эл Республикысе туныктыш министерствын (1996, 1998), Россий Федерацийысе туныктыш да шанче министерствын (2012) чап грамотышт дене, Марий Эл Кугыжаныш Погын вуйлатышын да Марий кугыжаныш университетын ректоржын тауштымаш серышышт дене палемдалтын.
 
Кызыт Марий кугыжаныш университетыште пашам ышта.
 
== Тӱҥ паша-влак ==
 
== Кылвер-влакЛитератур ==
# [https://drive.google.com/file/d/1SJqQH-DJ2vzxKnwebEHTtbwxQ_3ONMV5/view Марийские литературоведы и фольклористы: биобиблиографический сборник / Мар. гос, ун-т; сост. В.Н. Максимов. Йошкар-Ола, 2018. C. 181—193]
 
 
[[Категорий:Марий шанчызе-влак]]
2840

правок