|
Изи капшылан (169 см) да талын модмыжлан йолташ-влакше тудым Шуршо манын лӱмдат.
== Сеҥымаш-влак ==
[[2008, Лионель|2008]] ийыште Олимпий чемпион лийын, [[2005, Лионель|2005]] ийыште самырык-влак коклаште тӱнямбал чемпион (турнирын эн сай модшо да эн сай бомбардир). "Барселонаште" ныл гана Испаний чемпион лӱмым сулен (2004/05, 2005/06, 2008/09, 2009/10). 2005 да [[2007, Лионель|2007]] ийлаште Аргентинын эн сай модшыжлан сайлалтын, Чемпион Лиге таҥасымашште кок гана сеҥен (08/09 да 09/10). 2009 ийыште Европышто идалыкын эн сай футболистшылан УЕФА ойырен. [[2009, Лионель|2009]] ийыште "Шӧртньӧ мече", а вара "Бриллиант мече" пӧлек-влакым налын. ФИФА-н ойырымыж почеш [[2009, Лионель|2009]] ийыште Месси тӱнямбалне эн сай футболист лийын. Тыгеак, 2009 ийыште [[19 Теле|Теле тылзын 19 кечынже]] Абу-Даби олаште эртыше клуб-влак кокласе Тӱнямбал чемпионатыште Месси, финал матчыште голым пуртымеке, чемпион лийын.
== Ӱмыргорно ==
Месси [[1987, Лионель|1987]] ийыште [[24 Пеледыш|Пеледыш тылзын 24 кечынже]] Аргентиныште, Росарио олаште шочын.
Ачаже - Хорхе Месси, фабрике пашаеҥ, аваже - Силия Месси (Кусситини), арулыкым эскерышылан тыршен. Лионельын кок изаже да ик акаже уло.
[[Футбол, Лионель|Футбол]] деке Месси 5 ияш годымжо шӱмаҥын. Тудын ачаже верысе клубым ямдылен шоген. [[1995, Лионель|1995]] ийыште "Ньюэллз Олд Бойз" командыш модаш куснен. 10 ияш годымжо тудын соматотропин (кушмаш гормон) дефицитым муыныт. Эмлалтмаш ик тылзыште 900$ шоген, ача-аваже, верысе клуб тыгай оксам тӱлен кертын огытыл. Ты жапыште "Барселонан" [[спорт, Лионель|спорт]] директоржо Карлес Рексач Месси нерген пален налеш. Йочан модмыжым тергымеке испан клуб тудын дене контрактым пеҥгыдемда, да медицин эмлымым тӱла. Лионельын ешыже [[Испаний, Лионель|Испаний]]ыш илаш кусна. Тыште Месси клубын самырык-влак командыште модеш.
== Икымше ошкыл ==
Тыге 13 ияш годымжо нужна ешыште шочшо йоча тӱнямбалне ик эн виян клубыш логалеш. Икымше матчыштак "покерым" ыштен. (Тиде кунам ик футболист ик матчыште ныл голым пурта). Умбакыже кажне модмашыште кеч ик голым да пурта.
== Кугу "Барселонаште" ==
[[2003, Лионель|2003]] ийыште [[17 Кылме|Кылме тылзын 17 кечынже]] "Порту" команде ваштареш йолташ модмашыште Месси тӱҥ составыште икымше гана модын. Тунам «El Mundo» газет возен: "Тиде эргын шола йолжо - Марадонан, писылыкше - Кройфын, пас мастарлыкше - Роналдиньон".
А "Барселона" клуб деч икымше голжым 2005 ийыште "Альбасете" командын капкашкыже пуртен. Тидын дене Испаний Чемпионатын эртымгорныштыжо ойыртемалтше-влак коклаште эн самырык футболист лийын.
Тунам тудлан 17 ий ыле.
| 
