Шайбан хоккей: различия между версиями

У жапыште экономикыште вашталтыш-влаклан кӧра шуко спортсмен вес элыш шуаралташ каеныт. [[Россий Федераций]] [[хоккей]]ыште шуко жап ойыртемалт кертын огыл. Но [[2008]] ийыште [[Квебек]] олаште, кажныже 8 сеҥымашым налын, финалыште адакат Канадын да Российын чумыр командышт вашлийыныт. Коктынжат тиддеч ончыч шуко ий сеҥымаш деч посна кодыныт ыле. Тиде матч историйыш кеч кузеат пурышаш ыле. Кокымшо минутышто Александр Семин икымше голым пурта. Но варажым Канаде мыланна 15 минутышто кум голым чыка. Изиш вучалтен, Семин эше ик гол дене ойыртемалтеш, но тидлан Канадын сборныйже нылымше голым вашмут семын пуа. 4:2 счет. Россий шенгелан кодеш. Чылан шӱм вургыжын вучат, мо ынде лиеш…

Тӱҥ тренерна [[Вячеслав Быков]] икмыняр вашталтышым стратегийыште ышта. Алексей Терещенко мемнан деч кумшо голым чыкалта. Счет 4:3. Ме садак шенгелне улына. Канадысе спортсмен-влак сенымашыштым кучынешт. Тыште [[Илья Ковальчук]], кудыжым шукын вурсеныт счетым тӧрла. 4:4. Ынде чыла ик гол вашталтен кертеш. Матч пытымеке ик минуто гына кодын. Илья Ковальчук шке кокымшо, шӧртньӧ голжым пурта. 15 ий гыч, Россий хоккей дене угыч тунямбал чемпион лийын.