Крылов, Василий Васильевич: версий-влак коклаште ойыртем

Контентым кораҥдыме Контентым ешарыме
У лаштык '200px|thumb|Василий Крылов '''Василий Васильевич Крылов''' (Шулдыр Васлий) ([...' дене тӱҥалеш
(Ойыртем уке)

07:31, 5 пургыж 2011 жаплан версий

Василий Васильевич Крылов (Шулдыр Васлий) (4 Ага, 1953, Морко кундем, Арын ял --- 4 Сорла, 2010, Йошкар-Ола) --- марий поэт, прозаик, драматург, журналист, Россий Федерацийысе серызе Ушемын еҥже, Марий Эл республикысе серызе ушемым ятыр ий вуйлатен.

Файл:Krilov vasili.jpg
Василий Крылов

Илыш корно

1953 ий 4 Агаште Морко кундемысе Арын ялыште шочын. Тӱҥалтыш шинчымашым шке ялысе кыдалаш школышто налын. А 1970 ийыште просветительский училищыш тунемаш пурен. Тушечынак армий радамыш каяшыже логалын. Пӧртылмекыже, 1973 ийыште Василий Васильевич студент радамыш шогалын. Марий кугыжаныш университетын историй-филологий факультетын студентше лийын. Дипломым налмеке, 13 ий Мари радиошто тыршен пашам ыштен. А 1991 гыч 97 ий марте «Ямде лий» йоча журнал редакцийыште тӱҥ редактор пашам шуктен. Тылеч вара Писатель ушем вуйлатыше пашам шукташ тӱҥалын да «Марий журналын» директор пашам шке вачӱмакыже налын.

Сылнымут паша

Йоча пагытыштыже спорт дене кылым кучен, музык да литератур деке шӱман лийын. Школышто тунеммыж годым, «Колхозная правда» газет пелен эртарыме «Морко памаш» литератур кружокыш кошташ йоратен. Тиде газетын лаштыкыштыже Василий Васильевичын икымше почеламутшым 1966 ийыште савыктеныт. Икымше почеламутшо «Портышкем» маналтын. Тылеч вара «Ямде Лий» газетын юнкоржо лийын. А студент пагытыште Семен Николаевын вуйлатымыже почеш «У памаш» литератур ушем пашам ыштен. Тушто тудо староста пашам шуктен толын. 1974 ий гыч тӱҥалын «Литератур шыже» семинарыштко коштын. Икымше почеламут сборникше 1985 ийыште савыкталт лектын да «Поҥго йӱр» маналтын. Тылеч вара «Вӱдшӱдыр», «Мераҥ шовыч» да моло книга-влакат ош тӱням ужыныт. Ятыр возымо муро мутшылан семым келыштарыме, тыге Василий Крыловын возымо "Роза-Розмари", "Эре коктын", "Лач пырляште весела" марий муро-влак коклаште ик эн йӧратыме улыт.

Колымаш

2010 ийыште кеҥежым Василий Васильевич йомын. Ик арня наре тудым кычалыныт, Изи Какшан эҥер серыште вургемжым муыныт. Арня эртымеке капшым эҥер вӱдыштӧ муыныт. 13 Сорлаште Савык пӧртыштӧ Василий Васильевич дене чеверласымаш лийын. Поэтым шочмо верыштыже --- Морко кундемысе Арыныште тоеныт. Тыге, 4 Сорлаште 2010 ийын кеҥежым Василий Крыловын ӱмыржӧ кӱрлылтын.

Негыз

  • Марий Эл Радион архивыште Наташа Пушкинан ямдылыме увераҥарже.
  • Кугарня (газет) 2008 ий 2 май.
  • Марий Эл (газет) 2007 ий 3 март