Марий Эл (ий полат)

«Марий Эл» ий полат (рушла Ледовый Дворец «Марий Эл») — Йошкар-Оласе спорт полат, моткоч писын ышталтын, 2006 ийыште почылтын. Тыште Марий Элысе, Россий кӱкшытысӧ да калык-влак кокласе спорт таҥасымаш-влак (тӱрлӧ спорт тӱрлык дене) эртат, тыглай кечын калык коньки дене мунчалташ тыш коштеш.

Файл:Ледовый Дворец марий эл.jpg

«Марий Эл» Ий полат

Кӧргӧ

Каток икымше пачашыште верланен; кокымшо пачашыште пресс-конференций, тӱрлӧ каҥашымашлан келыштарыме зал уло. Ийполатыш 2500 еҥ ончаш пурен кертеш, кумдыкшо 10,7 тӱж. м². Полатым чоҥымо годым пытартыш технологий дене пайдаланыме, у архитектур шинчымашым кучылтмо. Ийполатыште спортсмен-влакат ямдылалт кертыт, тыглай еҥ-влакат яра жапым эратараш коштын кертыт.

Полат кӧргыштӧ 120 наре пӧлем уло.

Мероприятий

Хоккей да фигур мунчалтымаш дене тӱрлӧ кӱкшытан таҥасымаш-влак деч посна тиде ийполатыште фехтований дене Россий кӱкшытысӧ чемпионат эртен, шорт-трек дене россий первенстве, "Лёд и пламень" шоу лийыныт. Марий Эл Радио тыште концертым ик гана эртарен.

Негыз

• Энциклопедия Республики Марий Эл - Йошкар-Ола, 2009. - 327.

Кылвер-влак

Афиша сайтыште «Марий Эл» Ий полатын пашаж нерген

Тыгак ончо

• Вӱд спорт тӱрлык полат (Йошкар-Ола)
• Дружба (ий полат)
• Вӱд полат