Тӱҥ менюм почаш

Википедий β

Маркелов, Леонид Игоревич

Леонид Маркелов (Леонид Игоревич Маркелов) (1963 Пеледыш 25, Россий Моско) — россий кугыжаныш да мер пашаеҥ, философий шанче кандидат, Марий Эл Республикын Вуйлатышыже (2001-2017).

Леонид Игоревич Маркелов
Портрет
Тыршымаш алан:

Политик

Шочын:

1963 ий 25 Пеледыш(1963-06-25) (54 ий)

Шочмо вер:

Моско, РСФСР[d], Совет Социализм Республик-влак Ушем

Гражданство/Подданство:

Flag of the Soviet Union.svg Совет Социализм Республик-влак Ушем
Flag of Russia.svg Россий

Леонид Игоревич Маркелов Викиклатыште

ӰмыргорноТӧрлаташ

Леонид Игоревич Маркелов 1963 ий пеледыш тылзын 25-ше кечыштыже Моско олаште шочын. Ачаже — Маркелов Игорь Иванович, СССР ялозанлык министерствын пашаеҥже лийын. Аваже — Хазова Галина Федоровна, экономист. 10 ияш годым ачаже ешым коден каен. Вуеш шумо пагыт марте аваж пален кушкын. Руш. Ешан. Эрге ден ӱдыржӧ уло. Кӱшыл шинчымашан юрист. 1986 ийыште СССР Аралымаш министерствын Йошкар тистан военный институтшым тунем лектын. Философий шанче кандидат. 1986 ий гыч 1992 ий марте Марий Эл Республик кундемыште военный прокуратурышто службым эртен, прокурор да следствий паша дене тӱрлӧ должностьым шуктен: 56680 в/ч-ын следовательже, кугырак следовательже, военный прокурорын полышкалышыже.

1992 ийыште армий гыч кайымек, адвокатлан ыштен. 1995 ийыште Россий Федераций Кугыжаныш Думын депутатшылан сайлалтын. 1995 ий гыч 1997 ий марте Россий Федераций Кугыжаныш Думын Шанче да туныктымаш шотышто комитет Председательын алмаштышыже лийын. 1997 ий гыч 2000 ий марте – Россий Федераций Кугыжаныш Думын Бюджет, налог, банк да финанс шотышто комитет член.

2001 ий шорыкйол тылзын Л.И.Маркелов икымше гана Марий Эл Республикын Президентшылан сайлалтын. 2004 ий теле тылзын 19-ше кечыштыже «Единый Россий» политике партийын полшымыж дене кокымшо жаплан сайлалтын. Сайлымашын икымше турыштыжак сеҥен, 56,86% сайлышын йӱкшым налын.

2009 ий теле тылзын 29-ше кечыштыже Россий Федерацийын Президентше Д.А.Медведев Марий Эл Республик Президент полномочийым кумшо гана шукташ Л.И.Маркеловын кандидатурыжым Марий Эл Республикысе Кугыжаныш Погыныш каҥашаш луктын. 2010 ий шорыкйол тылзын 15-ше кечыштыже Л.И.Маркелов товатмутым пуэн да должностьыш официальнын шогалын.

Л.И.Маркелов IV степенян «Шочмо эл ончылно надырлан», Келшымаш орден-влак, Руш Православий Черкын да Российысе министерстве ден ведомство-влакын медальышт, суап знакышт дене палемдалтын.

2017 ий вӱдшор тылзын 6-шо кечынже Россий Президент Владимир Путин Марий Эл Республикым Вуйлатыше Л.И.Маркеловын кумылжым шотыш налын, тудым отставкыжым приниматлен да должность деч кораҥден[1].

Кылвер-влакТӧрлаташ

Важ-влакТӧрлаташ