Морозов, Андрей Сергеевич
Андрей Морозов — российысе публицист, серызе, мер ден политикысе ситуацийым шымлыше, мер пашаеҥ, сеҥышоян мер шонымашын лидерже;
радиоэлектрон йӧнештышым, лӱмынлык радио кыл-кучем йӧным, пилотдыме чоҥештылше аппаратым конструкторжо.
| Морозов Андрей Сергеевич | |
|---|---|
.jpg) | |
| Шочын | 1979 ий 17 сорла |
| Шочмо вер | Моско |
| Колен | 2024 ий 21 пургыж (44 ий) |
| Колымо вер | Кировск, ЛНР |
| Эл | |
| Тыршымаш алан | военнослужащий, блогер, военный корреспондент, журналист |
| Сайт | kenigtiger.livejournal.com |
 Медиафайлы на Викискладе | |
Телеграм-каналатым наҥгая[1], кушто тӱрлӧ воштылтышан пырыс приколым ужаш вучаш лиеш ыле. Нуно тыште лиялтеш, но, чынжым гын, шуэн.
Кечынвозышыжо Илыше Журналыште (ЖЖ) 2000ше ийла тӱҥалтыш гычак[2].
Эре лийын йошкар (социалист) идейын ӧрдыжеҥже.
Шкенжым сталинист манешат (шотлена, тыгай поро ыҥлашыште, могай гына лийын кертеш).
Эрак ийыште А.Морозовын ден тудын йолташ-влакын мер пашашт лийын чынжымак игылтше койышан.
2000ше ийла покшелне тудо весела мер организацийын организаторжо лийын[3].
Нунын акций-влакше утларакшым улшо ситуаций ӱмбалне стеб (игылтмаш) гай койыныт.
Морозов журналистыш ден либеральный оппозиций почешеҥыш помидорым кышкен, нуным ден правам эскерыше орган-влакын пашаеҥыштым шке кид дене лӱйылт пытараш лӱдыктен.
Тыгела нуно, вес сомыл ӱмбачын, Российыште нарынчалге (оранжевый) революцийым кораҥдаш толашеныт.
Нуно нарынчалге революцийым чынлен вученыт, но тудо тыгак лиялт ыш шукто, вуйгакат лийын кертдыме ыле.
Мо-гынат, эсогыл тунам Морозов ЖЖште мер-политикысе ситуаций нерген чын келге оян статьям возен.
2007 ийыште Властьын Партий гыч улшо еҥ-влакым изиш веселитлаш шонен пыштен.
Тылеч вара икмыняр жаплан (2 ийлан) мер паша гыч лектын возен[4].
Мӧҥгеш толмеке ынде кӧм-гынат лӱен пыштыме деч ончыч сайын шонаш темлен[5].
Но 2014 ий тольо, Украинын кечывалвел-эрвелыштыже нӧлталалтмаш (Руш Шошо, Новороссий) тӱҥалын, веселитлымашат вуйгак йӧршеш пытен.
Морозов, шкенжын шонымаш дене келшышын, Новороссий верч кредалмашыш ушнышаш манын шотлен.
Тиде умылалтешат сотын огыл, тыште каласаш кӱлеш, Новороссий - национал але кундемысе умылтыш огыл, а философийысе чынжымак.
Тиде, таче кечылан
Чыла калык-влакын кугу кредалмыштын тистше сайынрак тӱня верч да кавасе эрыкше (~1898 ийыште, изиш вес шотлан, каласалтме Глеб Кржижановскийын мутшо дене)
Лӱмын тиде сӱрет верч шукышт 2014 ийыште Новороссийыш сарланаш каеныт, туге гынат вигак тидын нерген лач шагалже вел ойленыт
[6]
[7].
Тыгаяк смысл тиде сӱретыште кызытат уло, туге гынат чыла тудым мондышт манын шукым ыштыныт.
Андрей Морозов Новороссийыш 2014 ийын май тылзыште каен, но чужга еҥын оптышыш логалын[8].
Чынак кредалше-влак дек тудо 2014 ийын шиже велеш ушнен кертын.
ЛНР Калык Милицийын посна механизироватлыме Август батальонжыш пурен.
IT-специалист лийын, 2014 ийын декабрь тылзыште кыл-кучем взводын командиржелан шогалталтын.
Тыгай лӱм шотеш Дебальцевым налмаш верч операцийын (январь-февраль 2015) участникше лийын.
Операций ыле шыде ден вӱран.
Тиде лийын Руш-Украин сарын икымше "тулан" фазыжын пытартыш кугу кредалмаш.
Дебальцевым налмаш деч вара, "Руш Шошо" проектым чынжымак петырыше "Кокымше Минск соглашений" Россий ден Украина коклаште ышталтын - пунчалыныт, руш верч Шошо лийман огыл манын.
Чылалан мӧҥган-мӧҥгыш шаланаш лиеш ыле.
Туге гынат, южышт кодаш шонен пыштеныт.
Морозов Москошко пӧртылын, но шукеш огыл.
Варажым вуйым сакыше-влаклан, кутырымашыште ден публикацийыште, умылтарен [9] - тендам весе ужаленыт гын, тиде тыланда шкендам шке, шкендын элым, шкендын идеалым ужалаш амал огыл.
Статья радамым савыктен (ЖЖште), Дебальцево операций нерген
[10]
[11]
...
[12]
[13],
событийын эртымашым тӱрыс каласкалымашан, йоҥылышым, тӱрлӧ ранг вуйлатыше дене ыштыме (шке операций эртымашыштат, чумыр налмаште Республик-влакын Армий корпусым чоҥымаш годымат), новороссий салтакын кӱлдымӧ пытымаш деке кондыше, лончылымашан.
Йоҥылышым статьялаште лончылын ӱшанен нуно шотыш налме ден тӧрлатыме лиеш манын. Но такшым, тиде ок лий манын, раш лийын. Чынжымат, тиде лийын огыл.
2015 ийын ноябрь тылзыште Новороссийлан полшымо координаций рӱдер (НПКР/КЦПН) деке ушнен.
КЦПНым вес социалист-влак (Алексей Марков, Петр Бирюков) 2014 ийын май тылзыште ыштыныт[14], ополченийым кредалмашлан кӱлешан тарман дене кураллаш манын. Андрей Морозов тудын наҥайыше участник гыч иктыже лие.
2016 ийын февраль тылзыште тудо Игорь Стрелков (2014 ийыште ДНР сарвий вуйлатыше) дене ыштыме "Январь 25 комитетышке" (К25) ӱжмӧ лийын.
Комитет шотлен, эллан тӱҥ лӱдыкшӧ гыч икте - либерал вий да касвел ӧрдыжеҥ дене ышталтын кертше кугыжаныш савыртыш, Украиныште лийше гай (нарынчалге.революций, Майдан).
Тыгай савыртыш эл шаланымашыш конда ыле.
Тыгай событийын вияҥ толмыжо деч кораҥаш лиеш, куралан контрсавыртыш (ККС, вооруженный контрпереворот) ышташ гын, тудланат поро еҥлан ямдылалташ кӱлеш.
ККСын идейжым Морозов шкенжын публикацийлаште вияҥден шоген.
Тидын годым, элыште улшо ситуаций нерген шкенжын умылымаш почеш, тиде савыртышыжым тудо садыгак лийшашлан шотлен.
2017 ийын ЛНРышке пӧртылын (кушто "Призрак" бригадыш верештын), чыла тылеч варасе ийыште тушто лийын шоген.
КЦПН да вес икгай организаций-влак дене пырля Новороссийын армийжылан кӱлешан технике тарман дене снабженийым организоватлен толеш, кунам верысе да российысе официал структур-влак тудлан тиде тарман дене ситарен огыт керт, але ынешт ситаре.
Морозовын тӱҥ паша направленийже - радиокылын йӧнжӧ.
Ончычсо кредалме действий-влакын результатышт почеш раш лие: ӱшанле радиокыл уке гын, нуным сайын наҥгаяш ок лий, а тудо уке улмаш, нигӧат тудым ышташ шонен огыл.
Садлан, задаче шындалтын:
тӱрлӧ ыштыше деч ыштыме тӱрлӧ компонент гыч, тӱрлӧ источник гыч налме, тӱрлӧ параметран, протоколан, спецификациян, пашаланыше иктештыме системым (вапшым) погаш,
сар условийыште ӱшанле пайдале кылым наҥгаяш, кредалме действийым виктараш йӧршӧ.
Нине участке-влакыште, кушто Морозов да тудын группа пашам ыштыт, тиде задаче утларакшым сайын решатлыме улмаш. Тыгай полышым налше подразделенийыште (ятыр шотышто Морозовын участийше годым) сарзе связь кредалме действийым виктарымашлан сита[15], тыгодым шуко моло подразделенийыште ситуаций шӱлыкан лийын (тидын результатшымат шуко гана ужаш лиеш ыле).
2019 ийыште КЦПНын вуйлатышыже Александр Любимов дене пырля ДНР ден ЛНРын армийыштыже улшо ситуаций, тудын Украин армий дене кредалын кертмаш (чынракше гын, кертдымаш) нерген, тидын шотышто Россият кредалме действийыш иктаж-семын ушна гын, кугу да кумдан палыме лийше докладым серен коденыт [16].
Тунам докладын ойлектышыже шукылан ыш келше, но варажым чиныш лектын, мом кум ий гыч лийын кайыше сайын палыме событийын коштмашыштыже ужаш лиеш ыле.
ЖЖ, ТГ ден вес ресурсыште луктын оптыме статьялаште опреатив да стратегий ситуаций нерген, тудым тӧрлаташ лийын кертше йӧн нерген, российысе официал структурын мом-гынат тӧрлаташ тыланымаш укелыкше нерген, да мом тыгодым тыглай еҥ-влаклан (нунылан элын пӱрымашыже садиктак огыл гын) ышташ, Морозов шкенжын шонкалымаш-влакым ойлен колта.
Тыгак публикацийлаште чумыр политике ситуациятым ончыштеш, тыгодым торашке кайыше иктешлымашым ышта.
Ситуацийым радамлымаш "кок вий" идейлан эҥерта.
Тиде идейже тыгай, кызыт Российыште кок тӱҥ группировко уло, чыла тудын илышым кидыштышт кучышо, тыгодым икте-весе дене кучедалше - тӧразе-влак (чиновничество) ден олигархат[17].
Вий-влакын диспозицийыштым аклмашыште эше ик вийын улмыжым шотыш огеш нал, анят эн кугу улшо, тиде кокыт ӱмбалне шогышо - тӱжвалсе виктарымашым.
Тиде амал дене, иктешлымаш да ончылгоч каласымаш йӧршын огыл чынле лийын кертыт.
Но тиде темлыме мера-влакын сайлыкыштым огеш иземда.
Тудын лӱялтмашыже нерген эн кугу российын да тӱнясе тӱшкаувер йӧн-влак увертареныт
[18]
[19]
[20].
Фактически, каласаш лиеш, шуко ийлан чылаштым ӱшаным йомдараш огыл ӱжшӧ еҥ - шке тичмаш ӱшан йомдарымаш дек наҥгаен шуктыме лийын.
Туге гынат, шонымаш уло (мутлан[21]) - тиде шкем шке пуштмаш лийын огыл, а лийын лач пуштмаш, а "пытартыш сералтыш" манмаш шояклен ышталтын (ирыме аккаунтыш конден кудалтме лийынат).
Мутат уке, тидым чынландараш ок лий.
Тыгодым, манашат лиеш, "Новороссий" проект чынжым петыралтын, тудын верч кучедалмашат шкенжын шӧрымашыш савырнен.
Такшым, шкеорганизалтмаш ӱмбалне (над самоорганизацией) системын сеҥымашыжым признатлыман.
Кылвер-влак
тӧрлаташ- ↑ Янина гычын возат мыланна
- ↑ Бойцовый кот Мурз
- ↑ Йошкар Блицкриг
- ↑ "Единый Россий" офисыш лӱйкалыше кучалтын. 29.10.2007 - Regnum
- ↑ Массовые расстрелы, которые не спасут Родину 06.10.2011 - kenigtiger
- ↑ Комбриг Алексей Мозговой. Письмо к русским и украинцам.. — «У нас, оболганных и обворованных, осталась только общая мечта - о справедливом государстве ... (наши враги) убивают главное - веру в справедливость и людей, вставших за идею ... Скоро нам всем - русским, украинцам, белорусам предстоит сражаться за единое государство вместе со всеми когда-то отпавшими от нашей Родины народами.»
- ↑ Алексей Мозговой о Новороссии.. — «Сейчас Новороссия — это не просто территория, это прежде всего идея. Свобода и Совесть - это и будет Новая Русь. ... Я думаю, будет сформировано совсем новое общество, с абсолютно новым мышлением. Хочу, чтобы, это мышление появилось ... Новое, продуктивное. Хочется создать что-то глубоко человечное.»
- ↑ РОВС Журнал чужга еҥ нерген. 09.06.2014
- ↑ Кунам чыла тиде пыта, мыланна чыла тиде деч йӱкшаш жап огылат мо? (рушла) 28.06.2023 - Янина
- ↑ "Нуно шке нерген огыт каласкале." (рушла) 22.02.2015 - kenigtiger
- ↑ Кузе Дебальцевым налыныт. Процессын участникшын шинчаончалтыш. ... 24.03.2015 - kenigtiger
- ↑ Дебальцевым налмаш ден чумыр Новороссийыште ситуаций йыр наҥгайыме дискуссийым пытарен. 15.04.2015 - kenigtiger
- ↑ Эше ик гана Санжаровка воктен кредалмаш нерген. "Кайыза, тушто нигӧ уке." 14.09.2016 - kenigtiger
- ↑ КЦПН, да тудын организатор-влакше kcpn.info
- ↑ Владимир Грубник (17.05.2023). — «если у вас связи нет или есть только аналоговая связь, которая полностью прослушивается — все будет очень печально. Мы стараемся на своем уровне этот момент решить. Больше года уже прошло, но решения на глобальном уровне так и нет, я пока не вижу, чтобы хоть что-то сдвинулось в этой проблеме. Потому что тут вопрос не в раздаче портативок, а проблема, прежде всего - выстраивание сетей. То есть связь как сеть управления, которая требует двух вещей - грамотных кадров и стандарта связи. Мы стараемся выстраивать эти сети.»
- ↑ "Доклад КЦПН" 2019 kcpn.info
- ↑ Эше ик "пытартыш политике текст" (рушла) 2018 - kenigtiger
- ↑ Pro war russian blogger dies by suicide. 21.02.2024 - The Guardian
- ↑ Сар блогер Морозов пытен. (рушла) 21.02.2024 - РИА Новости
- ↑ Стрелковын соратникше Андрей Морозов шкем шке пуштын. (рушла) 21.02.2024 - RTVI
- ↑ Колоткаште лийше лӱйымаш. (рушла) 06.03.2024 - freedom of sea
Моло кылвер-влак
тӧрлаташ- WarTranslated.com 19.12.2022 Russian volunteer Murz on why Russia is not ready to defend Ukrainian winter offensive.
- The Bell (14.09.2022). — «Andrei Morozov (Murz), 110,700 followers. ... channel isn’t hugely popular, but it is very interesting. The author is a notorious Moscow nationalist who has been serving in the LNR army since 2014. He knowledgeably writes about the combat zones in the Luhansk and Donetsk regions and on Russian forces’ supplies and equipment.» [en.thebell.io/russia-s-pro-war-bloggers-become-a-serious-threat-to-the-kremlin/ Важ] гыч архивым ыштыме 23 вӱдшор 2023.