Тӱҥ менюм почаш

Википедий β

Павлов, Василий Николаевич

Василий Павлов (Василий Николаевич Павлов) (1958 Вӱдшор 15, Марий АССР, Овдасола ял —27 Сорла 2005, Йошкар-Ола) — марий мурызо, Марий Эл Республикын сулло артистше (2000).

Василий Павлов
Павлов Василий Николаевич
Тыршымаш алан:

мурызо

Шочын:

1958 ий 15 Вӱдшор(1958-04-15)

Шочмо вер:

Овдасола ял.

Гражданство/Подданство:

Россий

Колен:

2005 ий 27 Сорла(2005-08-27) (47 ий)

Колымо вер:

Йошкар-Ола

Сайт:

ВКонтакте сайтыште

Илыш корныжоТӧрлаташ

Василий Николаевич Павлов 1958 ийын 15 апрельыште Шернур кундемысе Овдасола ялыште шочын. Кандаш классым Марисола школышто тунем пытарен.

Школыштак футбол денат сайын модын, хоккей площадкыштат чулым лийын, ече дене куржталмаштат ойыртемалтын. Йолташыже-влак ялысе да оласе профтехучилищыш каяш кумылаҥыныт. А Василийын кумылжым музыкант паша алгаштарен.

Газетыште республиканский культпросветучилищыш тунемаш налме нерген увертарымашым ужешат, Йошкар-Олашке толеш. 1975–1977 ийлаште тиде училищын оркестровый отделенийыштыже тунемеш. Вара кок ий армий радамыште служитла.

Армий гыч толмеке, Марисола тӱвыра пӧртыштӧ директорлан пашам ышта. Уш-акылым пойдараш манын, Марий кугыжаныш университетын историко-филологический факультетышкыже йодмашым пуа. 1986 ийыште дипломым налмек, ик жап калык усталык рÿдерыште пашам ышта, а 1987 ий гыч – Марий телевиденийыште. Ондак ассистент, вара режиссёр лиеш. Тиде профессий дене шинчымашым нӧлталаш Москваште эртарыме курсышкат коштын толын.

Икымше гана Вячеслав Абукаевын мутшылан Валерий Кульшетовын возымо «Сирень пеледме годым» мурым калык ончыко мураш лектын. Школыш коштмо годымак Василий гитарым шокташ тунемын. Университетыште тунемме жапыште самырык-влак коклаште гитарым шоктен мурымаш кумдан шарлен улмаш. Василият тыге ышташ тунемын. Йолташыже-влак – «Гитарым шоктен мурымет пеш сылнын йоҥгалтеш, тылат тидым радио дене шергылтараш кÿлеш», – маныныт. Василий тыгак ыштен. Радиокомитетыште тудым порын вашлийыныт. Ик мурыжым пленкыш возен, радио дене йоҥгалтареныт. Тудо чылалан келшен. Тулеч вара радиошко вес мурым, кумшым конден. Василийлан композитор-влак В. Захаров, С. Маков да молат шке у мурыштым радиошто возашлан темлаш тÿҥалыныт.

Василий Павлов илыш дене 2005 ий 27 августышто кастене чеверласыш. Чаманаш гына кодеш, пеш шуко фонограммыжым возен шуктен огыл...

Муро-влакТӧрлаташ

  • ПАВЛОВ Василий - А лум лумеш.
  • ПАВЛОВ Василий - Воктекет омешем.
  • ПАВЛОВ Василий - Выжгыкта ош лум.
  • ПАВЛОВ Василий - Илыш.
  • ПАВЛОВ Василий - Канде шулдыр.
  • ПАВЛОВ Василий - Кузе мый тыйым йоратем.
  • ПАВЛОВ Василий - Ломбо.
  • ПАВЛОВ Василий - Морко сем.
  • ПАВЛОВ Василий - Олмапу воктене.
  • ПАВЛОВ Василий - Палемыс.
  • ПАВЛОВ Василий - Серенада.
  • ПАВЛОВ Василий - Сирень.
  • ПАВЛОВ Василий - Теле касын.
  • ПАВЛОВ Василий - Титакан мый.
  • ПАВЛОВ Василий - Тый улат мыланем ныжыл йур.
  • ПАВЛОВ Василий - Тылат.
  • ПАВЛОВ Василий - Шочмо вер нерген муро.
  • ПАВЛОВ Василий - Шочмо мландына.
  • ПАВЛОВ Василий, ДМИТРИЕВА С. - Мужыр шушпык.

Кылвер-влакТӧрлаташ