Поро чон модмаш
Поро чон модмаш (рушла Игры доброй воли, англичанла Goodwill Games) — Олимпиаде дене таҥастарыме калык-влак кокласе спорт таҥасымаш. 4 ий жапыште ик гана эртаралтын, Кеҥежымсе ден Телымсылан шелалтын. Варажым, Модмашым тӱҥалше Тед Тёрнер Поро чон модмашым австралийысе Time Warner компанийлан ужален. Модмашын девизше --- "Спортышто келшымаш коч - Мланде валне тыныслык дек!"
Эртымгорно тӧрлаташ
Поро чон модмашым 1985 ийыште Atlanta Braves бейсбол клуб пелен тӱҥалыныт. Негызам Роберт Эдвард (Тед) Тёрнер пыштен. 1980-ше ийысе Кеҥежымсе Олимпий модмаш Моско олаште, Совет Ушемыште эртаралтын. США тиде таҥасымашлан бойкотым пуен. 1984 ийыште Олипиаде Лос-Анджелес олаште эртаралтын. Тудлан бойкотым Совет Ушем пуен. Политикдыме спорт таҥасымашым эртарашлан Поро чон модмашым тӱҥалме. Вара, Йӱштӧ сар пытыме дене эл-влак Олимпиадылан бойкотым пуаш чарненыт, Поро чон модмашын кӱлешыже йомын. Кызыт Поро чон модмашын официал сайтыштыже(англ.) возымо: Модмаш огеш эртаралт.
Кеҥежымсе модмаш тӧрлаташ
- Икымше модмаш: 5 Сӱрем — 20 Сӱрем 1986, Моско, Совет Ушем (182 таҥасымаш, 18 спорт тӱрлык; 70 эл гыч 3 тӱж. спортсмен толын).
- Кокымшо модмаш: 20 Сӱрем — 5 Сорла 1990, Сиэтл, США (21 спорт тӱрлык; 54 эл гыч 2,6 тӱж. спортсмен толын).
- Кумшо модмаш: 23 Сӱрем — 7 Сорла 1994, Санкт-Петербург, Россий (25 спорт тӱрлык; 75 эл гыч 2 тӱж. спортсмен толын).
- Нылымше модмаш: 19 Сӱрем — 4 Сорла 1998, Нью-Йорк, США (25 спорт тӱрлык; 50 утла эл гыч 2,5 тӱж. спортсмен толын).
- Визымше модмаш: 28 Сорла — 9 Идым 2001, Брисбен, Австралий (14 спорт тӱрлык; 70 эл гыч 1300 спортсмен толын).
- Кудымшо модмашым 2005 ийыште Финикс олаште, США-ште эртараш палемдыме ыле, но модмашым эртараш чарненыт.
Телымсе модмаш тӧрлаташ
- Икымше модмаш: 2000, Лейк-Плэсид, США.
- Кокымшо модмашым 2005 ийыште Калгари олаште, Канадаште, эртараш палемдыме ыле, но модмашым эртараш чарненыт.