Покшым

Покшым — йӱкшышӧ предмет-влакыш ночко газ гыч вочшо тыгде ий падыраш-влак.

Тӧрзам йӱштӧ налын

Пӧрш

Марий йылмыште пушеҥге але кушкыл-влакышке вочшо покшымым пӧрш лӱмдат. Мландым гын — покшым налеш. Тӧрзаште покшым шинчеш гын тудым йӱштӧ налеш, маныт.

Кучылтмаш

Сылнымутышто покшым вочмо нерген тӱрлӧ мутсавыртыш-влакым кучылтыт:

• Покшым южгунам ломбо пеледме деч вара июнь тылзе тӱҥалтыштат толын кертеш. В. Сапаев.
• Эрдене покшым возаш тӱҥале. «Ончыко» журнал.
• Кылме мландым кӱжгын вочшо покшым леведын. М.-Азмекей.
• Мланде ош покшым дене петырнен. С. Николаев.
• Тудын чурийже тарай гай йошкарген, шовыч тӱрешыже пӧрш налын. «Ончыко» журнал.