Республикысе курчак театр
Марий Эл Республикысе Кугыжаныш автоном тӱвыра тӧнеж «Республикысе курчак театр» (кӱчыкын: Курчак театр) (рушла Государственное автономное учреждение культуры Республики Марий Эл «Республиканский театр кукол») — 1942 ийыште Йошкар-Олаште негызлыме курчак театр. Спектакль-влак рушла да марла ончыкталтыт.
П.Васильевын фотожо.
Эртык
тӧрлаташМарий Эл Республикысе Курчак театрын шочмо кечыжлан 1942 ийын Ага тылзыже шотлалтеш, но тӱвыра коллектив тиддеч ончыч пашам ышташ тӱҥалын. Театр труппым Йошкар-Оласе драме театрын тӱҥ режиссёржо Г. К. Крыжицкий чоҥен, антракт годым курчак-влак дене представленийым ончыкташ темлен.
1945 ий гыч труппым руш драмтеатрын актёржо В. И. Илисавский вуйлаташ шогалын.
1989 ий марте Курчак театрын коллективше Марий АССР мучко гастроль-влак дене кудалыштын, ялысе клуб, школ да йоча садлаште спектакль-влакым ончыктылын. 1989 ийыште театрлан шке полатым пуэныт, мотор пӧрт Изи Кашкшан эҥерын серыштыже верланен. 25 ий жапыште театрым Екатерина Ярденко вуйлатен.
2014 ий Идым тылзыште театр Вознесенский урем Патриарший площадьыш куснен.