Рохир Блокланд
Рохир Блокланд (нидерландла Rogier Philip Charles Eduard Blokland 16 февраль 1971, Дордрехт) — нидерланд шымлызе-лингвист, 2014 ий гыч Уппсала университетыште финн-угор йылме-влак дене профессор.
Илыш да паша корно тӧрлаташ
Блокланд Гронинген лӱмеш университетыште тунемын. Гронинген университетым 1997 ийыште магистр степень дене тунем пытарен. 2005 ийыште Корнелиус Хассельблатт дене кандидат диссертацийым арален. Шинчымашым налмеке Блокланд Таллин, Тарту, Грайсвальд да Берлинысе Гумбольдт лӱмеш университетлаште доцентлан, шанче пашаеҥлан пашам ыштен.
2005 - 2006 ийлаште Гронингеныште финн-угроведений кафедрым вуйлатен шоген, а 2009 - 2010 ийлаште Гамбург университетыште финн-угроведений кафедрымак вуйлатен. 2011 ийыште тудо Мӱнхеныште Людвиг-Максимилиан лӱмеш университетын финн-угроведений кафедрын шанче пашаеҥжылан шогалын.
2014 ийыште Рохир Блокландым Уппсала университетыште финн-угроведений кафедрыште Ларс-Гуннар Ларссон олмеш шогалтеныт.
Блокландын шымлымашыже-влак прибалт-финн тыгак пермь да саам йылме-влаклан пӧлеклалтше улыт. Тидын годымак тудо изи да йомаш тӱҥалше йылме-влаклан кугу верым ойыра.