Таир
Таир ер — марий кундемын ик эн мотор кугу ержылан шотлалтеш. Йошкар-Ола дечын 42 меҥге тораште верланен. Таир лӱм мут ушем гычын лектын: ото да ер. Таир поснак ийын коштшо отро дене кумдан чапланен. Тиде островышто ото тӱзланен кушкеш. Но тыгак эше вес версий уло . Ожно ик шоҥго коча дене изи рвезе кужу корнышто ноен, ер воктеке каналташ шогалыныт, яндар шинчавӱд гае вӱдшым подылыныт, да тау ер манын пелештеныт . Тыге Таир лӱм лектын. Туныкытшо - краевед Кутасовын ойлымыж почеш, тиде ер воктене ожно монах- влак иленыт .Нуно Ежовысо монастырьлан колым кучен илышаш улыт улмаш.
| Таир | |
|---|---|
 Таир ерыште отро | |
| 56°16′26″ с. ш. 47°50′50″ в. д.HGЯO | |
| Верланымаш | Марий Эл |
| Кумдык | 0,63 км² |
| Эн кугу келгыт | 10 м |
|
|
|
|
|
|
.jpg)
Эртымгорно ден легенде -влак
тӧрлаташТаир ер покшелне верланыше отро нерген тыгай легенде уло . Шукын шонат тудо ийын коштеш манын, но теве ер воктене илыше- влак ойлат тиде отро нигунамат верже гыч тарванен огыл . А островшо тыге шочын. Монах- влак колым кучен кучен иленыт но пашаштлан йӧршеш нимомат налын огытыл да пуламырым тарватеныт.Сарзе вий нуным лыпландарен да наказаний шотышто ер покшеке рокым опташ шӱденыт .тыге остров шочын шинчын. Архив докумень- влакым ончалаш гын ,18 курым марте Таир ер воктене канаш шогалме вер лийын рушлаже постоялый двор. Тушко тора корныш: Озаҥыш але Угарманыш коштшо купеч влак канаш шогалыныт улмаш. 1995 ий октябрь тылзын Таир ер шке 100 ияш лӱмгечыжым палемден . Пале огыл моланерын лумгечыжлан лачак 1895 ийым палемдыме . Адакат архивымак шергалаш гын, 1912 ий Марий республикысе административно- территориальный пайлымаш шотышто документым ончалаш гын? лачак 1895 ийышгте Таир ер воктене чодыра озанлыкым арален шогышо кугыжаныш еҥ- влакын илыме пӧрт нерген шарнымаш уло. Таир ер ден тыгаяк лӱман посёлкым чодыра йыр авыра. Чодыраште эн шуко пӱнчӧ кушкеш. Ер воктенсе кумдык курыкан ошман ден куп верлан поян. Ер деч кечывалвел могырым ик этажан пӧрт -влак верланеныт ,тыгак сад пакча- . Таир ер воктене кумда чоҥымаш 70 ийлаште тӱҥалын. Тунам шуко Йошкар- Оласе ушем , предприятий влак шке пашаеҥыштлан каныме порт влакым чоҥеныт.
Кызытсе жап
тӧрлаташТаир ер поснак шӧртньӧ шыже пагыт годым мотор . Кавашке шуйналтше йытыра пӱнчер, оралгыше шӧртньӧ лышташан куэр, канде канде ер вӱд .Тиде чыла чонышко ласкалыкым пурта. Тыгак Таир ер серын пляжыштыже 2004 ийыште "53 метр" лӱман кинофильмым сниматленыт. Тиде кинофильм "Юшут" кинофестивальын сенышыже лийын.
Кылвер-влак
тӧрлаташ- wanders-k.ru-"Команда кочующие"