Тисте
Тисте — специал тӱсан тӱрыс геометрик (шукыж годым, тӧрлукан) форман аҥ. Шукыж годым тистын лӱмын ыштыме кыл (флагшток) уло. Тисте-влакым шымлыше шанче - вексиллологий (лат. vexillum гыч — «тисте», «ту»).
Кугыжаныш тисте ик кугыжаныш ӱжвата-влак гыч улеш. Кугужаныш тисте деч моло шуко кугыжаныш-влакын сар-теҥгыз да сатулымыш (коммерций) тисте-влак уло.
Российын сар-теҥгыз тисте Ондрий тисте улеш, тыгодым сатулымаш тисте (граждан флот карап-влакын тистыже) семын кугыжаныш тисте кучылталтеш. Южо эллаште, мутлан УАШышто, ик тисте гына чыла кум реш дене кучылталтеш.
Кугыжанышын гына огыл, посна регион, ола, калыкгокласе организаций (мутлан, УНО тисте), коммерций ыштыквер, калыкле толкын да диаспор, мер толкын, спорт команде-влакынат шке тисте уло.
Тылеч посна, флотышто карап гыч карапыш увертарымашым колташ сигнал тисте-влак кучылталтыт.
Рекламе да декораций реш дене тисте композиций кучылталтен кертат.