Тӱҥ менюм почаш

Википедий β

Ефремов, Аркадий Семенович

Ефремов Аркадий Семенович (1956 шыжа 4 Марий АССР, Морко кундем, Апак ял —19 пеледыш 1997) — марий йылмызе, филологий шанче кандидат (1987).

Аркадий Семенович Ефремов

Илыш корныжоТӧрлаташ

1956 ий, шыжа тылзын 4-ше кечыштыже, Марий АССР, Морко район Апак ялеш шочын. Ачаж ден аваже колхозышто тыршеныт. 1978 ийыште Марий кугыжаныш университетын, историко-филологический факультетын марий йылме да литератур отделенийжым тунем пытарен. Варажым МарНИИ-те йылме отделенийыште тыршен. Совет Армий радамыште лийын. 1980-1982 ийлаште пашажым МарНИИйыштак шуен. 1982-1985 ийлаште Тарту кугыжаныш университетын финн-угор йылме кафедрын аспирантше лийын. Пауль Аристэн вуйлатымыже почеш " Названия растений в марийском языке" теме дене кандидат дисертацийым возен да 1987 ийыште, уярня тылзыште арален. Аспирантурым пытарымеке уэш МарНИИ-шке портылын. Тыште тудо институтын ученый секретарьже да вуйлатышын алмаштышыжлан тыршен.

30 наре шанче пашам лексикологий, лексикографий да марий терминологий дене пашам савыктен луктын. Марий йылмыште кушкыл лум-влакым шымлен. " Марий йылме мутерым" ( 1990-2005) ыштымаште изи огыл надырже лийын, мутер статьям Б, Й, К, Л, У буква-влаклан возен. Тыгак шанче пашам да сборник - влаакым лукмаште тыршен.

1986-1988 ийлаште Марий педагогический институтышто марий йылмым туныктен, 1993-1995 ийлаште Марий кугыжаныш университетыште марий терминологий дене спецкурсым лудын.

Турло газетлаште ( "Марий Эл", "Ямде лий", "Марийская правда") научно - популярный статьялам да кумдан палыме марий шанчызе - влак нерген биографический очерк - влакым возен. Марий йылме дене кылдалтше Марий радиошто передачым вуден шоген. "Поро кече! 30 уроков марийского языка" книгалан радиоурок-влакын материалже негыз семын лийыныт, кудыжым З.В.Учаев ден пырля савыктен луктыныт.

1997 ийыште, пеледыш тылзын 19 кечыштыже ӱмыржӧ кӱрылтын.

Тӱҥ пашаже-влакТӧрлаташ

  • Некоторые наблюдения над фонетикой шоруньжинского говора// Вопросы марийского языка: Вопросы марийской диалектологии. - Йошкар-Ола, 1981. - С. 58-70

НегызТӧрлаташ

  • Марийские лингвисты. Библиографический сборник /Мар. гос. ун-т; сост. И.Г. Иванов, В.Н. Васильев. - Йошкар-Ола, 2005. - 284 с.