4 шыжа

4 шыжа (4 октябрь) — григориан кечышот почеш идалыкын 277-ше (кужемдыме ийлаште — 278-ше) кечыже. Идалык пытыме марте 88 кече кодеш.

Пайрем да памятный дате-влак

• Россий — Космический войскан кечыже палемдалтеш.
• — Янлык-влак аралыме кечымат эртарат.

Лӱмгече

Шыжа тылзын нылымше кечынже шке лӱмгечыштым Дмитрий, Иосиф, Иван, Константин, Даниил, Валентин, Владимир, Андрей, Агния-влак палемдат.

Событий-влак

Тугак ончо: Категорий:Шыжа тылзын 4 кечысе событий-влак

• 1925 — Марий кундемысе писатель-влакын икымше погынымаш Чарлаште эртен.

• 1830 — Керчь ола воктенысе Куль-Оба курганыште тошто склепым муыныт. Тиде – XIX-ше курымын ик эн кугу археологический находкылан шотлалтеш.
• 1957 — Мландын орбитышкыже икымше искусственный спутникым лукмо.

Шочыныт

Тугак ончо: Категорий:Шыжа тылзын 4 кечынже шочшо-влак

• 1930 — Иван Степанович Гусев, партий пашаеҥ. Марий Тӱрек кундем Аимке ялыште шочын-кушкын. КПСС обкомын кокымшо, вара икымше секретарьжылан ыштен. Марий республикын гына огыл, Россий Федераций кӱшыл погынын депутатшылан сайлалтын.
• 1933 — Гурий Иванович Лаврентьев марий йылмызе, шанчызе, туныктышо, филологий шанче доктор (1994), профессор.
• 1951 — Валериан Иванович Денисов, Марий Элын сулло туныктыш пашаеҥже. Юлсер кундем Ӱлыл Азъялыште шочын-кушкын. Ончычсо паша корныжо шочмо кундемласе школла дене кылдалтын. 1989-ше ийыште тудо кундемысе туныктыш пӧлкан вуйлатышыже лийын, а 1992-шо ийыште туныктыш министр сомылымат шуктен. Умбакыже уэш шочмо кундемыш пӧртылын, 8 ий ончыч администраций вуйлатышын алмаштышыже сомылым шукташ шогалын.
• 1955 — Александр Сергеевич Давыдов, юрист, Россий Федерацийын сулло юристше. Курыкмарий кундемыште шочын. 1982-шо ий гыч тудо Килемар кундемын судьяжлан шогалын, вара Марий кӱшыл судышко куснен – вуйлатышыже лийын.
• 1956 — Аркадий Семёнович Ефремов, марий йылмызе, шанчызе, туныктышо, журналист, филологий шанче кандидат (1987).

Коленыт

Тугак ончо: Категорий:Шыжа тылзын 4 кечынже колышо-влак

• 2007 — Юрий Петров, руш серызе, почеламутчо, журналист, мер пашаеҥ, Марий АССР-ысе Кугыжаныш премийын лауреатше (1977), Марий АССР-ысе тӱвыран сулло пашаеҥже (1980).

Калык пале

Кондратын да Ипатын кечыже. Тиде кечын чыла кугу пашам вораҥдараш тыршеныт. Пакчасе йыраҥлашке терысым луктыныт. Кас велеш гын кажне ешын устембалныже шӱльӧ пучымыш лийшаш улмаш.

	4 шыжа Викиклатыште?