Каче-влакмарий семлык тӱшка, тӱҥ шотышто такмак-влакым дискотеке сын дене йӧҥгалтарыме дене чапланен. Икымше йоҥгалтарыме мурышт «Тойки-мойки» ыле.

Каче-влак
Жанр-влак

folk, поп

Ий-влак

2008-кызытсе жап марте

Эл

Марий Эл Марий Эл

Ола

Йошкар-Ола

Мурын йылме

марий йылме

Состав

Сергей Попов
Михаил Басов

Ончычсо
участник-влак

Александр Ильин
Сергей Романов
Валерий Чиванов

ШочмашТӧрлаташ

Группылан негызым Сергей Попов, Валерий Чиванов пуеныт, вигак нунын деке Александр Ильин ушнен. Кумытынат «Марий памаш» ансамбльыште шуаралтыныт, туштак палыме лийыныт, группыш ушнымо нерген кутырен келшеныт. «Каче-влак» калыклан шагал палыме такмак-влакым ритмичный, дискотекылан келшыше сем почеш йоҥгалтараш тӱҥалыныт. Марий-влаклан у группын репертуарже келшен, лишыл жапыште трио кумдан чапланен, кажне пайремыште вучымо унашке савырнен.

Вашталтыш-влакТӧрлаташ

2008 ий мучашыште «Каче-влакыште» икымше вашталтыш: группа гыч Александр Ильин лектеш, тудын олмеш Сергей Романов мураш пура. У солистын келге, виян, ойыртемалтше йӱкшӧ сай вашталтышым группын йоҥгалтмыжлан пуен. Тыгак тиде жапыште «Каче-влак»речитатив дене экспериментым ышта: "Йӱштӧ" мурым Лариса Сидоркина дене мурымо годым Сергей Романов такмак-влакым рэп семын лудеш.

Лишыл жапыште Сергей Романоват группа дене чеверласа да сольно мураш тӱҥалеш. Сергей олмеш Михаил Басов мураш толеш да группышто кодеш. Попов-Чиванов-Басов состав дене «Каче-влак» йот эллаштат палыме лийыт, калык-влак кокласе фестивальлашке коштыт, Российыште марий-влакын тӱшшкан илыме верлаште гастроль дене коштыт. 2015 ийыште группа гыч Валерий Чиванов лектеш, икмыняр жаплан трио дуэтыш савырна. Варарак группа угыч трио лиеш - «Каче-влакыш» Илья Якимов пура, но кужу жаплан огыл, тудым армийыш налыт. Кызыт «Каче-влак» дуэт семын шуаралтеш.

Пырля мурымашТӧрлаташ

«Каче-влак» «Вената» дуэт, Лариса Сидоркина дене пырля йоҥгалтарат.

Вич ий жапыште «Лийнем пеленет» альбомым луктыныт. Пытартыш жапыште «Каче-влак» лирик сынан муро-влакым йоҥгалтараш тӱҥалыныт. Светлана Яндукован семже почеш возымо ныл мурым мурат. «Каче-влак» Марий Элыште гына огыл, Озаҥ, Моско, Санкт-Петербург, Екатеринбург, моло олалаштат концерт-влак дене коштыт.

Муро-влакТӧрлаташ

  1. Тойки-мойки
  2. Марий улына
  3. Ваче гоч сакен гармоньым
  4. Савушын мурыжо
  5. Елабуга такмак-влак
  6. Варвара
  7. Варвара (Remix)
  8. Тойки-мойки (Remix)
  9. Тылат авай
  10. Мылам келшет
  11. Йӧратет мо, шумбелем
  12. Шочмо вер
  13. Гармонь
  14. Чолга каче-влак
  15. Йорга каче
  16. Пӱрымаш
  17. Йӱштӧ
  18. Ӱжара годым
  19. Кандывуй
  20. Пеленетше лийнем
  21. Ит вучо
  22. Йӧратымаш ӱчашымаш
  23. У ий дене
  24. Покто веле корно сай

Кылвер-влакТӧрлаташ