Тӱҥ менюм почаш

Такмак (тыгак частушка, частушко) — кок але ныл корнан лирический калык муро. Чӱчкыдын такмак-влак мыскара сынан улыт. Мурышо иктаж кӧм мыскыла, игылтеш але койышлана.

«Колхозышто могай ситыдымаш уло, вигак такмак шочеш». М. Рыбаков.

Чӱчкыдын политик темылан пӧлеклалтше такмак-влак вашлиялтыт. Икымше йӱкан киношто Йыван Кырла политик да йӧратымаш теме-влаклан пӧлеклалтше такмакым йоҥгалтарен:

Пагул ӱдыр Маринаже
Кӧм йӧраташ шона гын
Беспартийныйым огыл вет
Комсомолым йӧрата

Марий мурыштоТӧрлаташ

Марий муро аланыште такмак-влак посна верым айлат. Марий калык шуко такмакым пала. Кажне пайремыште гармоньым йоҥгалтарыме почеш такмак-влакым мурат, куштат. Марий Эстрадыште такмак-влакым мурен шуко артист чапланен: Каче-влак (группа), Анатолий Куклин, Анатолий Зарецких да т.м.