Марий Автоном Совет Социализм Республик

Марий Автоном Совет Социализм Республик (Марий ССР, МАССР) — 1936—1993 ийлаште РСФСР-ын административно-территориальный единицыже.

Марий Автоном Совет Социализм Республик
Марийская Автономная Советская Социалистическая Республика
Тисте Ойып
56°34′ с. ш. 47°56′ в. д.
Эл	Совет Ушем
Административ рӱдӧ	Йошкар-Ола
Эртыш да географий
Негызлыме	1936
Йомдарыме	1990
Кумдык	23 200 км² (0,1 %)
Шагат ӱштӧ	UTC+3
Калыкчот
Калыкчот	691 000 еҥ (1973) (0,3 %)
Чаклык	29,8 еҥ/км²
Официал йылме-влак	руш, марий

Рӱдола — Йошкар-Ола.

1936 ийыште Теле тылзын 5 кечынже Марий АССР-ыш савырыме. Марий автономийым ыштыме дене марий йылме кугыжаныш статусым налын. Марий тӱвыра, сылнымут, савык, школ виянаш тӱҥалыныт.

1930–шо ийлаште педагогике, чодыра технике институт-влак почылтыныт, йылмым, сылнымутым да эртыкым шымлыше марий институт пашам ышташ тӱҥалын, театр почылтын.

Эртымгорно

• 1920 ий, 4 кылме Марий автоном область (МАО) ыштыме.
• 1936 ий, 5 чатлама Марий Автоном Совет Социализм Республикыш савырыме.
• 1990 ий, 22 шыжа гыч — Марий Совет Социализм Республик (МССР)
• 1992 ий, 8 сорла гыч — Марий Эл Республик

Калык

1970 ийысе перепись почеш:

• руш — 321 тӱжем еҥ (46,9 %)
• марий — 299 тӱжем еҥ (43,6 %)
• суас — 40 тӱжем еҥ (5,8 %)
• чуваш — 9 тӱжем еҥ (1,3 %)
• украин — 5 тӱжем еҥ (0,7 %)
• моло калык-влак — 11 тӱжем еҥ (1,7 %)

Литератур

• Марийская Автономная Советская Социалистическая Республика // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.