Марий Эл Республикын сулло артистше
(Марий Элын сулло артистше гыч колтымо)
Марий Эл Республикын сулло артистше (рушла Заслуженный артист Республики Марий Эл) — Марий Эл Республикыште пуымо чап лӱм. Марий Эл Республик сымыктышын сулло пашаеҥже чап лӱм семынак тиде чап лӱм тӱвыраште келге кышам кодымылан, супле пашам ыштымылан артист, режиссёр, балетмейстер, дирижёр, хормейстер, мурызо-влаклан пуалтеш. Чап лӱмым налше айдеме сымыктыш аланыште 10 ий деч шагалрак огыл пашам ыштышаш. Балет, классик, калык танец артист-влаклан, духовой оркестр солист-влакын солистыштлан - вич ий деч шагалрак огыл ыштыман[1].