Николаев, Валерий Владимирович
Валерий Николаев (Валерий Владимирович Николаев) (1953 теле 6, РСФСР, Ленинград ола) — руш серызе, почеламутчо.
| Валерий Владимирович Николаев | |
|---|---|
| Валерий Николаев | |
| Шочмаш дене лӱм | Валерий Владимирович Николаев |
| Шочын | 1953 ий 6 теле (70 ий) |
| Шочмо вер | РСФСР, Ленинград ола |
| Чап пӧлек да премий |
|
Илыш корныжо тӧрлаташ
Валерий Николаев 1953 ийын теле тылзын 6-шо кечынже Ленинградыште шочын. Шочмо олаштыже да Краснодарский крайысе Варениково станицыште тунемын. 1976 ийыште Ростовысо кӱшыл военный училищым пытарен, вара коло ий утла Украиныште, Забайкальеште да Марий Элыште служитлен.
Поэзий деке школышто тунеммыж годымак кумылаҥын, а сылнымут пашам Марий Элыш толмекше, ийготыш вочмекше шукташ тӱҥалын. 1994 ийыште В. Николаев Н. Михеевын вуйлатыме «Поиск» сылнымут клубыш кошташ тӱҥалын, тидыже сылнымут пашам умбакыже шуяш кугун полшен.
В. Николаевын икымше савыкталтше возымыжо «Новогодняя ночь» почеламут лийын, тудо 1994 ийыште Советский районысо «Вестник района» газетыште лектын, а 1999 ийыште Санкт-Петербургышто «Всё началось с любви» почеламут книгаже ош тӱням ужын. В. Николаевын ойлымаш ден почеламутшо-влак республикысе периодике савыктышлаште, тӱшка сборниклаште лектеденыт. В. Николаевын шонен пыштымыже да тыршымыже дене «Сотовый мёд» (2000) РМЭ-се кызытсе лирике книга да «Короткие встречи» (2002) РМЭ-се руш прозо антологий ямдылалтыныт да лектыныт.
1999 гыч 2005 ий марте В. Николаев «Закуси горе луковицей» роман дене пашам ыштен, тудо увертаралтдыме сар-влакын ветераныштлан пӧлеклалтын. Романын посна ужашлаже «Ончыко» журналыштат савыкталтын. Тыгак йоча-влакланат ойлымаш ден повестьлам воза.
I, II, III степенян «За безупречную службу» медаль-влак дене наградитлалтын.
Тӱҥ произведенийже-влак тӧрлаташ
- Всё началось с любви : стихи. СП., 1999. 32 с.
- Стихи // Сотовый мед. Йошкар-Ола, 2000. С. 89—97.
- Я вернулся : рассказ // Дружба. На свет нетленный. Йошкар-Ола, 2000. С. 135—162.
- Пять минут до счастья ; Колорадская история : рассказы // Короткие встречи. Йошкар-Ола, 2004. С.
- Забавные приключения Пончика и Киви : повесть. Йошкар-Ола, 2006. 76 с.
- Закуси горе луковицей : отрывок из повести // Ончыко. 2006. № 12. С. 99—133.
- Проездной билет : рассказ // Дружба. Время пить херши. Йошкар-Ола, 2007. С. 126—146.
- Мне нравятся те редкие закаты...; Когда однажды ты придешь...; Прогулка в листопад : стихи // Русское слово Марий Эл. Йошкар-Ола, 2004. С. 280—281.
Илышыже да творчествыже нерген литератур тӧрлаташ
- Ятманов Л. «Сотовый мед в поэзии» // Молодёжный курьер. 2000. 29 июня.
- Шалагин С. Долгий путь к «Коротким встречам» // Мар. правда. 2002. 23 февр.
