Пушкина, Наталья Васильевна

Наталья Пушкина (Наталья Васильевна Пушкина) (1979 идым 18, РСФСР, Марий АССР, Морко кундем, Марий Кужер ял) — тӱвыра, мер да политик пашаеҥ, Марий Эл Республикысе Олык Ипай лӱмеш Кугыжаныш самырыктукым премийын лауреатше (2006), Марий Эл Республикысе тӱвыран сулло пашаеҥже (2020). Марий Мер Каҥаш-ын йыжъеҥже (2008 ий гыч), «Республикысе Марий тӱвыра рӱдер»-ын директоржо (2015 ий гыч), Марий Эл Республикын шымше созыв Кугыжаныш Погынжын депутатше (2019 ий гыч).

Наталья Васильевна Пушкина
Шочын 1979 ий 18 идым(1979-09-18) (44 ий)
Шочмо вер РСФСР, Марий АССР, Морко кундем, Марий Кужер ял
Ача Пушкин Василий Михайлович
Ава Пушкина Нина Николаевна
Йоча-влак Эрвина (2019)
Чап пӧлек да премий

Марий Эл Республикысе тӱвыран сулло пашаеҥже Марий Эл Республикысе Олык Ипай лӱмеш Кугыжаныш самырыктукым премий
Марий Эл Республик Виктерын Чапкагазше

Илыш корныжо тӧрлаташ

Наталья Пушкина 1979 ийын идым тылзын 18-ше кечынже Морко кундем Марий Кужер ялеш шочын. Визымше классыште тунеммыж годым ешыж дене пырля пошкудо Ердӱр ялыш илаш куснен, санденак, южгунам Наташа Пушкинан шочмо верже семын Ердӱр ялым возат.

2004 ийыште – Н.К. Крупская лӱмеш Марий кыжаныш педагогике институтым «Марий йылмым да литературым, руш йылмым да литературым туныктышо» специальность дене тунем лектын.

2015 ийыште – Марий кугыжаныш университетым «Филологий магистр» специальность дене тунем лектын.

2018 ийыште – Поволжский кугыжаныш технологический университет-ым «кугыжаныш да муниципал управлений» специальность дене тунем лектын.

1997 – 1999 ийла – Йошкар-Оласе 16-шо №-ан Чоҥышо управленийын штукатур-малярже.

2004 – 2005 ийла – Н.К. Крупская лӱмеш Марий кыжаныш педагогике институтын кадр отделын специалистше.

2005 – 2015 ийла – «Марий Эл Радио»-н тӱҥ редакторжо.

2008 ий гыч – Марий Мер Каҥаш-ын йыжъеҥже.

2015 ий гыч – Марий Элысе «Республикысе Марий тӱвыра рӱдер»-ын директоржо.

2019 ий гыч – Марий Эл Республикын шымше созыв Кугыжаныш Погынжын депутатше.

Наталья Пушкина «Саскавий» ӱдырамаш ушемын йыжъеҥже. «У вий» самырык-влакын ушемыштлан негызым пуышо-влак коклаште лийын. Марий КВН-ым лач тудак шке йолташыж-влак дене пырля тӱҥалын. У семын шонымыж дене марий концерт да дискотеке-влаклан у шӱлыш дене у сыным пуэн, у формат-влакым тӱвыра мероприятий-влаклан темлен. Тыгак, икымше марий мюзиклым тудын сценарийже почеш шындыме.

Тукымлӱм нерген тӧрлаташ

Тукымлӱмжым ачаж деч налын, ачаже – коваж деч. Ачаже интернатыште кушкын, тушто тудым кован фамилийже почеш возеныт. Марлан лекмыж деч вара тудо Эстонийыш стажировкыш ик ийлан кайышаш лийын. Чыла кагаз-влакым ӱдыр фамилийжылан возеныт, сандене, ЗАГС-ыште шке фамилийжым вашталтен огыл. Йошкар-Олаш пӧртылмыжо деч вара ты фамилий денак кодын.

Муро-влак тӧрлаташ

Наташа Пушкина мурызо семын шуаралтын. Чыныжым, тиддеч ончычат ятыр муро-проектлаште йӱкшым колышташ йӧн лийын, но 2010 ий гыч сольный проектшым тӱҥалеш. 2012 ий гыч эше «Волгыдо» эстраде муро ансамбльым чумыра, тудын дене пырля гастрольлашке коштеш. Дмитрий Чайников, Володя Матвеев дене пырля мурым возеныт.

Дискографий тӧрлаташ

  • «Йоча муро» – кок дискан йоча-влаклан пӧлеклалтше муро-караоке проект.

Еш тӧрлаташ

  • Ачаже – Пушкин Василий Михайлович, агроном, ферме вуйлатыше.
  • Аваже – Пушкина Нина Николаевна, бригадир, клуб вуйлатыше.
  • Пелашыже – Чемышев Андрей Валерьевичшанчызе, компьютерный лингвист, ЙСИШМИ-н шанче пашаеҥже.
  • Ӱдыржӧ – Эрвина (2019).

Чап тӧрлаташ

Кылвер-влак тӧрлаташ

Важ-влак тӧрлаташ

  1. Лауреаты премии имени Олыка Ипая. Библиографический указатель. Национальная библиотека им. С.Г. Чавайна. Йошкар-Ола. 2012. C. 88–89.
  2. Указ Главы Республики Марий Эл от 25 марта 2020 г. № 55 «О присвоении почетного звания «Заслуженный работник культуры Республики Марий Эл» Николаевой Р.П. и Пушкиной Н.В.».