Романов, Евгений Иванович
Евгений Романов (Евгений Иванович Романов) (1942 пургыж 10, РСФСР, Марий АССР, Килемар кундем, Аргамач ял — 16 идым 2013, Пемба посёлко) — руш серызе, журналист, Россий Журналист-влак ушемын йыжъеҥже.
| Евгений Иванович Романов | |
|---|---|
| Евгений Романов | |
| Шочмаш дене лӱм | Евгений Иванович Романов |
| Шочын | 1942 ий 10 пургыж |
| Шочмо вер | РСФСР, Марий АССР, Килемар кундем, Аргамач ял |
| Колен | 2013 ий 16 идым (71 ий) |
| Колымо вер | Пемба посёлко |
Илыш корныжо
тӧрлаташЕвгений Романов 1942 ийын пургыж тылзын 10-шо кечынже Марий АССР Килемар кундем Аргамач ялеш шочын. Кыдалаш школым Шернурышто пытарен. Вигак Юлкундемысе чодыра-техник институтыш (кызыт Юлкундемысе технологический университет) пурен, но тунем шуктен огыл. Н.К. Крупская лӱмеш МГПИ-н историко-филологический факультетшым пытарымек, У Торъялысе «Сельская новь» газет редакцийыш пашаш каен. Варажым Оршанка Медведево районласе, шуко тиражан газет редакцийлаште ыштен.
Е. Романов школышто тунеммыж годым возаш тӱҥалын. А технический институтын кокымшо курсыштыжо производственный практикыште студент-влак кидвозышан кок номер «Весна» журналым луктыныт, тушко тӱҥалше авторын почеламутшо-влак, прозыжо да эсогыл критике статьяжат пуреныт. Икмыняр жап гыч тудо Патефон лӱман ойлымашым возен да «Марийская правда» газетыш колтен. Возымаш чер дене «черланымек», тунеммыжым шуэн , тунемаш коштдымыжлан тудым институт гыч луктыныт. А возымаш сомылым кӱлеш семын пединститутышто тунеммыж годым ончалын.
«Просто рыжий март» лӱман книгажын кидвозышыжым тудын деч ондакше портфельжыге шолыштыныт улмаш, а вара поэт С. Вишневскийлан кудалтен коденыт. Е. Романов тӱҥ шотышто мыскара да койдарчык ойлымаш-влакым возкала. Нуно периодике печатьыште, ты шотышто «Пачемыш» журналыштат, ий еда лекше «Дружба» альманахыштат савыкталтыныт.
1979 ийыште Е. Романов Москваште самырык сатирик ден мыскараче-влакын Россий кумдыкан семинарыштышт лийын. Тудын паша саскаж семын «Тысяча и одна улыбка» тӱшка сборник лектын, тушко Е. Романовын ик ойлымашыже пурен. Возымыжо тыгак Ленинградысе «Нева» журналыште печатлалтын.
1984 ийыште «Приват-доцент по дублёнкам» кокымшо книгам савыктен. Кыдалаш да кугурак ийготан йоча-влаклан «Жаковы шишки» книгам луктын. Южо возымыжым Е. Дудник шоялӱм дене савыктен.
Журналист ушемын йыжынъеҥже, вич книган авторжо. Медведево районысо Пемба посёлкышто илен.
Тӱҥ произведенийже-влак
тӧрлаташ- Просто рыжий март : рассказы. Йошкар-Ола, 1973. 96 с.
- Зеленая каша : юмор, сатира. Йошкар-Ола, 1979. 112 с.
- Приват-доцент по дубленкам : юмор, и сатир рассказы. Йошкар-Ола, 1984. 224 с.
- Жаковы шишки : рассказы. Йошкар-Ола, 1989. 176 с.
- Рассказы // Короткие встречи. Йошкар-Ола, 2001. С. 209—232.
- Ямы, кутеж и сознание : рассказ // Русское слово Марий Эл. Йошкар-Ола, 2004. С. 220—232.
- Так, наверно, всегда было : рассказ // Дружба. Время пить херши... Йошкар-Ола, 2007. С. 60—73.
Илышыже да творчествыже нерген литератур
тӧрлаташ- Ятманов Л. Смеяться, право, не грешно // Молодой коммунист. 1979. 4 апр.
- Брыль С. «Любители короткого пути» // Мар. правда. 1979. 21 окт.
- Ятманов Л. Смех — дело серьезное // Молодой коммунист. 1984. 16 окт.
- Краткая биогр. справка // Русское слово Марий Эл. Йошкар-Ола, 2004. С. 220.
- МБЭ. Йошкар-Ола, 2007. С. 304.