Токарев, Александр Владимирович

Александр Владимирович Токарев
Александр Владимирович Токарев
	Александр Токарев
Шочмаш дене лӱм	Александр Владимирович Токарев
Шочын	1959 ий 28 пургыж (65 ий)
Шочмо вер	РСФСР, Марий АССР, Йошкар-Ола
Чап пӧлек да премий	Россий Серызе-влак ушемын Чапкагазше (2004)

Александр Токарев (Александр Владимирович Токарев) (1959 пургыж 28, РСФСР, Марий АССР, Йошкар-Ола) — руш серызе, Россий Серызе-влак ушемын йыжъеҥже (2002).

Илыш корныжо

Александр Токарев 1959 ийын пургыж тылзын 28-ше кечынже Марий АССР Йошкар-Олаш пашазе ешеш шочын. Йошкар-Оласе 4-ше №-ан школышто тунемын, кыдалаш шинчымашым Совет Армий радамыште служитлымыж годым кастене тунемме школышто налын. 1980 ий гыч грузчиклан ыштен, военный оркестрыште служитлен, фортепьяном тӧрлышӧ, фасадник-высотник, «Республика», «Йошкар-Ола» газетлаште корреспондент лийын, «Марийская правда», «Молодёжный курьер», «Московский комсомолец» газетла дене кылым кучен. 1985 ийыште Палантай лӱмеш музык училищым пытарен. Вара И.С. Ключников-Палантай лӱмеш культур да искусство колледжыште да «Прокат» МУП-ышто фортепьяном тӧрлышылан ыштен.

А. Токаревын «Ещё одна весна» икымше ойлымашыже 1990 ийла тӱҥалтыште республикысе «Молодой коммунист» газетыште лектын. Вара тудын «Копчёный и Шаман», «Барин», «Крещение» ойлымашлаже, «Дорога на Светлое» повестьше ош тӱням ужыныт. 1999 ийыште «В краю синеглазом озёрном» икымше книгаже лектын. Тудын возымыжо «Дружба» альманахыште, «Рыболов» (Моско) журналыште лектыныт. Прозаик пеҥгыде кылым «Рыбак рыбака» (Моско), «Рыбалка круглый год» (Угарман) газет-влак дене куча, «Рыболовный альманахыште» да «Охотник» журналыште (Моско) савыкталтын.

А. Токарев Москосо «Рыбак рыбака» газетын колызо ойлымашлан эртарыме таҥӱчашын кокымшо ден кумшо премийжын лауреатше, Россий писатель ушемын Чап грамотыж дене (2004) палемдалтын. 2002 ий гыч Россий писатель ушемын йыжыҥъеҥже.

Тӱҥ произведенийже-влак

Черный лед : рассказ // Дружба. Расскажи мне... Йошкар-Ола, 1991. С. 107—112.
Копченый и Шаман : рассказ // Дружба. Мир, в котором живу... Йошкар-Ола, 1997. С. 35—46.
В краю синеглазом озерном : повесть, рассказы. Йошкар-Ола, 1999. 116 с.
К светлому озеру : повесть // Дружба. На свет нетленный. Йошкар-Ола, 2000. С. 56—90.
Крещение воды ; Розовая щука : рассказы // Короткие встречи. Йошкар-Ола, 2002. С. 333—353.
Соколиный остров : рассказ // Рыболовный альманах. М., 2003. С. 187—194.
Промоина ; Барин ; Там Леший бродит : рассказы // Охотничий альманах. Цивильск, 2004. С. 97—111.
Обловил : рассказ // Рыболовный альманах. М., 2004. С. 139—142.
Копченый и Шаман : рассказ // Русское слово Марий Эл. Йошкар-Ола, 2004. С 315—325.
Время пить херши : рассказы // Дружба. Время пить херши. Йошкар-Ола, 2007. С. 74—95.

Илышыже да творчествыже нерген литератур

Шалагин С. За дверью — мир... // Мар. правда. 1998. Авг.
Кр. биогр. справка // Короткие встречи. Йошкар-Ола, 2002. С. 333.
В краю синеглазом озерном [Рецензии] // Охотник. М., 2002. № 9. С. 43.
Рыбалка круглый год. Н. Новгород. 2004. № 10. 26 мая.

Чап

Россий Серызе-влак ушемын йыжъеҥже (2002).
Россий Серызе-влак ушемын Чапкагазше (2004).

Литератур

Писатели Марий Эл: биобиблиографический справочник / сост.: А.Васинкин, В.Абукаев и др. — Йошкар-Ола: Марийское книжное издательство, 2008. — 752 с. С. 620-621.