Чисола

Чисола (рушла Читово) — Российыште Марий Элын Шернур кундемыштыже верланыше Кукнур ял шотан илемыш пурышо ял. Калыкчот: 383 еҥ (2005 ий), 382 еҥ (2010 ий).

Ял
Чисола
рушла Читово
57°15′08″ с. ш. 49°04′33″ в. д.
Эл	Россий
Федераций субъектше	Марий Эл
Кундем	Шернур
Эртыш да географий
Икымше гана палемдыме	1876
Рӱдын кӱкшытшӧ	136 метр
Шагат ӱштӧ	UTC+3:00[d]
Калыкчот
Калыкчот	▼382 еҥ (2010)
Калык-влак	марий
Инаныше-влак	чимарий, танле
Официал йылме	марий йылме да руш йылме
Цифрр идентификатор-влак
Телефон код	+7 83633
Почто индекс	425467
Автомобиль код	12
Чисола Чисола

Верланыме вер

Кукнур сола деч 4 километр кечывалвел-касвел могырно верланен. Ял воктен Пикша эҥер йоген эрта.

Ял лӱм

Ялын лӱмжӧ ушымо кок марий мут гыч лектын: «чи» + «сола» = «чисола». Ял калыкын ойлымыжо дене яллан негызым тынеш пурымаш деч шылше чимарий-влак пыштеныт.

Эртымгорно

Негызым XVIII курымышто пыштыме. 1876-шо ийыште 84 суртышто 616 еҥ илен гын, 2005-ше ийлан 109 суртышто 383 еҥ илен.

1929-ше ийыште школым почмо.

1931-ше ийыште ялыште «Йошкар Пеледыш», «У корно», «Комбайн» колхоз-влакым почмо. «Йошкар Пеледыш» колхозын 329 гектар, «У корно» колхозын 437 гектар, «Комбайн» колхозын 509 гектар мландышт лийын. 1950-ше ийыште тиде колхоз-влак иктышке ушненыт. Председательлан Лебедевым шогалтыме.

Кугу Ачамланде сар тÿҥалмеке, ял гыч фронтыш 86 еҥ каен, 51 патыр веле пöртылын.

Кылвер-влак

• Деревня Читово (Чисола).

Литератур

1. История сел и деревень Республики Марий Эл. Сернурский район: Сборник документальных очерков. — Йошкар-Ола: Комитет Республики Марий Эл по делам архивов, Государственный архив Республики Марий Эл, администрация муниципального образования «Сернурский район», 320 с., ил. 2006 г. С. 121.