Тӱҥ менюм почаш

Ӱшанымашын ӱжватаже

(Колтымо Ӱшанымаш символжо гыч)

Ӱшаныма‘шын ӱжватаже (рушла Cимвол веры) — тын туныктымаште тӱҥ догмат-влакын радамлыкше.

Христиан ӱшанымашын ӱжватажеТӧрлаташ

Христианлыкыште ӱшанымашын ӱжватажылан Черкын догмат-влакын кӱчык каласкалымашыжым умылат. Кунам тыным кучышо еҥ коклаште чын огыл толкын лектын, тудын шарлымашыжым чараш манын чын йӱлам кучышо ӱшынымашын ӱжватажым палемденыт. Христиан эртымгорныжтыжо икмыняр ӱшанымашын ӱжватаже уло. Кажне гана йоҥгылышым шотыш налын тудым ешареныт. Танле тыныште кызыт Никей-Константинопольысо ӱшанымашын ӱжватажым кучылтат.

Ислам ӱшанымашын ӱжватажеТӧрлаташ

Ислам ӱшанымаш ӱжватажым ончыктен пуаш икымше тӧчымаш шахада лийын: "Аллах деч моло Юмо уке, да Мохаммад тудын пиямбарже".

Йудей ӱшанымашын ӱжватажеТӧрлаташ

Йудаизм тыным шуктымашыште -- кумалтыш мут «Шма, Исраэль…» — «Колышт, Израил: Кугоза, Юмына, Кугоза — икте».