Тӱҥ менюм почаш

Википедий β

Трифонова, Эльвира Андреевна

Эльвира Трифонова (1968 пеледыш 12, Марий АССР, У Роҥго кундем, Колыгудо ял) — марий мурызо, Марий Эл Республикысе тӱвыран сулло пашаеҥже (1998).

Эльвира Андреевна Трифонова
Эльвира Трифонова
Марийская певица Эльвира Трифонова.jpg
Марий мурызо Эльвира Трифонова сценыште
П. Васильевын фотожо.
Тыршымаш алан:

мурызо

Шочын:

1968 ий 12 пеледыш(1968-06-12) (50 ий)

Шочмо вер:

Марий АССР, У Роҥго кундем Колыгудо ял

Гражданство/Подданство:

Совет Ушем Совет Ушем
Россий Россий

Йоча-влак:

эрге

Чап пӧлек да премий:

Вуйлымаш

БиографийТӧрлаташ

Эльвира Трифонова Марий АССР, У Роҥго кундем, Колыгудо ялыште 1968 ий пеледыш тылзын 12-шо кечынже шочын. У Роҥгысо школын 8 классшым 1983 ийыште пытарен. Вара Йошкар-Олаш, сем училищыш тунемаш пурен. Домра дене йоҥгалтарен. Вара Марий кугыжаныш педагогик институтышто шинчымашым поген, вара угыч сем училищыш вокальный пӧлкаш пурен.

И.С. Палантай лӱмеш музыкальный училищыште тунеммыж годымак, тудо Йошкар-Оласе М.И.Калинин лӱмеш тӱвыра полат пеленсе "Наигрыш" калык семӱзгар оркестрыште шоктен. Вуйлатен ты коллективым Александр Леонидович Федяев. Эльвиран сай йӱкшым колынат, чӱчкыдынак оркестр почеш мураш лекташ йодын.

 

- А вара Александр Леонидович Медведево районысо Ежово селашке культура пöртыш пашам ышташ кусныш. Оркестржат туштак ыле. Музыкальный училище деч вара мыйым 1987 ийыште Параньгашке йоча музыкальный школыш пашам ышташ колтышт. Ик ий гыч Н.Крупская лӱмеш пединститутыш тунемаш пурышым. Тунамак Ежово селасе культура пöртыш пашаш налыныт. Пединститут деч вара эше музыкальный училищын вокальный отделенийжым тунем лектын шуктенам. Кок гана музыкальный училищым тунем пытаренам вет. - Ондак домристка, а вара вокалистка семын.
Эльвира шке тунемме пагытше нерген

 

ЕшТӧрлаташ

Эргыже уло.

Тӱвыра пашаТӧрлаташ

Тӱҥ шотышто марий калыклан Эльвира Трифонова мурызо семын палыме. Тиддеч посна Эльвира МарКТУ пеленысе «Светлица» руш калык мурым мурышо ансамбльым вуйлата. Чӱчкыдын пырля концертым шындат. Тылеч посна Эльвира Трифонова «Марий памаш» ансамбль дене пашам ышта. Ты коллектив марий калык мурымат йоҥгалтара. Мурызо Ежово селасе культура да каныме рӱдерыште "Журавушка" ветеран да "Ежики" йоча ансамбль-шамычым вуйлата (1998 ий гыч). Но тидын дене гына ок серлаге. Эльвирам "Гармонь" калык ансамбльын солисткыже семынат палат. Икмыняр ий ончыч ты коллектив дене Нижний Новгород олашке "Венок Поволжья" фестиваль-конкурсыш миен ыле. Калык мурым йоҥгалтарыше мурызо-влак коклаште икымше верым да лауреат лӱмым сеҥен налын. Пашажым кӱкшын аклен, Эльвира Трифоновалан Марий Эл тӱвыран сулло пашаеҥже лӱмым пуеныт.

Муро-влакТӧрлаташ

Кылвер-влакТӧрлаташ