26 пургыж

26 пургыж (26 февраль) — григориан кечышот почеш идалыкын 57-ше кечыже. Идалык пытыме марте 308 (кужемдыме ийлаште — 309) кече кодеш.

Пайрем да памятный дате-влак

• Кувейт — Эрык кече.

Лӱмгече

• Католик лӱм-влак: Александр, Порфирий.
• Православный лӱм-влак: Анна, Артемий, Василий, Вера, Владимир, Гавриил, Евгений, Евлогий, Зосима, Зоя, Иван, Ирина, Леонтий, Мартиниан, Мартин, Михаил, Никандр, Николай, Онисим, Павел, Парфений, Прискилла, Светлана, Сильвестр, Симеон, Тимофей, Фотина/Фотиния, Шио, Юстиниан.

Событий-влак

Тугак ончо: Категорий:Пургыж тылзын 26 кечысе событий-влак

• 1712 ий — Тула олаште саркурал заводым почмо.
• 1935 ий — шымлызе Роберт Уотсон-Уатт икымше гана радарым ончыктен.
• 1936 ий — Немыч Элыште «Фольксваген» маркын икымше автомобильжым луктыныт.
• 2001 ий — «Талибан» группировкын еҥышт Афганистаныште Буддын кок статуйжым пудештареныт: тиде тÿнямбал культур наследийлан кугу эҥгек лийын.

Шочыныт

Тугак ончо: Категорий:Пургыж тылзын 26 кечынже шочшо-влак

• 1914 ий — Василий Рожкин, марий серызе, почеламутчо, туныктышо, СССР Серызе-влак ушемын йыжъеҥже (1939), РСФСР-ын сулло туныктышыжо (1965), 1941–1945 ийласе Кугу Ачамланде сарын участникше.
• 1926 ий — Валерий Иосифович Романов, юрист, шанче да туныктыш пашаеҥ, Россий Федерацийын сулло юристше. Шкеже Курыкмарий кундем гыч. Юстиций министрлан 15 ий тыршыме деч вара, шанче паша корныш тошкалын. 2001-2005-ше ийлаште тудо Марий кугыжаныш университетын Российын да йот элласе частный права кафедрын вуйлатышыже лийын. 100 наре шанче пашан авторжо.
• 1955 ий — Владимир Демидович Курочкин, сӱретче, Марий Эл Республикысе сымыктышын сулло пашаеҥже. Йошкар-Олаште шочын-кушкын. Тудо шке пашаже-влак гоч марий калыкын историйжым, пӱртӱсын моторлыкшым ончыктен. Ончерже-влак Российын тӱрлö олалаштыже эртеныт. Кызытат сӱретсымыктыш тоштерыште нуным ужаш лиеш.
• 1938 ий — Лелия Ивановна Соколова, тазалык аралтыш пашаеҥ, Россий Федерацийын сулло эмлызыже. 1981-ше ий гыч республикысе йоча эмлымверын тӱҥ эмлызылан пашам ышташ тӱҥалын. Суапле пашажлан «Знак Почёта» орден дене палемдалтын. Йошкар-Олан почётан гражданинже.
• 1954 ий — Нина Гурьевна Григорьева, уста пашазе. Провой кундемыште шочын. «Марпромстрой» трестыште ятыр ий пашам ыштен. Пашажым аклен «Знак Почёта» орден да Совет Ушем кугыжаныш премий дене палемденыт.
• 1968 ий — Эльвира Васильевна Краснова, мурызо. Провой кундемыште шочын. Тудо 1995-ше ий гычак «Марий памаш» фольклор ансамбльыште мураш тӱҥалын. Вара сольно мурымо дене кумдан чапланен.

Коленыт

Тугак ончо: Категорий:Пургыж тылзын 26 кечынже колышо-влак

Калык пале

• Шнуй Мартинын кечыже. Туддеч еш пиалым йодын кумалыныт. Тиде кечын лум шулаш тÿҥалеш гын, шошо сылне лиеш; юалге гын, шошат ночко да кужун шуйна.

	26 пургыж Викиклатыште?