2 кылме

2 кылме (2 ноябрь) — григориан кечышот почеш идалыкын 306-шо (кужемдыме ийлаште — 307-ше) кечыже. Идалык пытыме марте 59 кече кодеш.

Лӱмгече

Кылме тылзын кокымшо кечынже Артем, Илларион, Герман, Герасим да Маргарита – влакын лӱм кечышт.

Событий-влак

Тугак ончо: Категорий:Кылме тылзын 2 кечысе событий-влак

• 1721 — Россий империйын статусшым налын.
• 1894 — Россий Империйын пытартыш кугыжаже Николай Кокымшо вуйлатыме пашам шке умбакше налын.
• 1938 — Историйыште икыше гана Совет Ушем Герой чап лумым удырамаш-влаклан пуымо.

Шочыныт

Тугак ончо: Категорий:Кылме тылзын 2 кечынже шочшо-влак

• 1912 — Михаил Калашников (Кожер Микал), марий серызе, почеламутчо, журналист, кусарыше, МарНИИ-н директоржо (1946 — 1951), СССР Серызе-влак ушемын йыжъеҥже (1953), 1941–1945 ийласе Кугу Ачамланде сарын участникше.
• 1919 — Мария Васильевна Лежнина, Россий Федерацийын сулло туныктышыжо. Тудо Оршанка кундемысе Воробьи ял гыч. 1949-ше ий гыч ойырен налме пашаже дене Советский кундем Вятский школышто биологийым да химийым туныкташ тӱҥалын. Мария Васильевна школ пелен икымше янда теплицым ыштыше организатор-влак кокла гыч иктыже улеш. Суапле пашажлан Йошкар Знамя паша орден дене палемдалтын.
• 1934 — Орлиана Борисовна Горбань, Россий Федерацийын сулло эмлызыже. Пошкырт Элыште шочын. Профессийлан келышыше шинчымашым Пошкырт кундемысе медицин институтышто налын. Да паша корныжо 1963-шо ийыште Марий кундемышке конден: Оршанка рӱдӧ эмлымверыште тыршаш тӱҥалын. А 1983-шо ий гыч сарыште лийше ветеран-влакын госпитальыште тӱҥ врачын алмаштышыже лийын.
• 1938 — Михаил Николаевич Сухов, партий да чодыра озанлык пашаеҥ. Юрино поселкышто шочын. Шинчымашым Юл кундемысе чодыра озанлык специалистым ямдылыше институтышто налын. Юрино кундемыште шуктышо комитетын вуйлатышыже лийын. 1981-87 ийлаште топливо йӧндартыш паша дене йодышым рашемдыше министр сомылым шуктен. А 88-ше ий гыч «МарийскЛесТопПромын» тӱҥлӧ директоржо. Тыршен пашам ыштымыжлан ятыр чап танык дене палемдалтын. Марий Эл чодыра озанлыкын сулло пашаеҥже.
• 1941 — Станислав Валерианович Иванов, чодыра озанлык йӧндартыш пашаеҥ, Марий Элын сулло изобретательже. Юл кундемысе чодыра озанлык институтым тунем лекмек, Моско оласе институтыш аспирантурышко тунемаш пурен. Шинчымашым пойдарымек, Йошкар-Олашке толын да Марий кугыжаныш политехник университетыште пашам ышташ тӱҥалын. Станислав Валерианович - 22 изобретенийын авторжо. Мыланна Станислав Валерианович мурызо семынат палыме: вет «Белая акация» романс фестивальыште сеҥыше радамышкат логалын.
• 1955 — Суфия Ханяфиевна Ушакова, ик эн ончыл фармацевт, тазалык аралтышын сулло пашаеҥже. Пенза велыште шочын-кушкын да Марий Элыште чапланен. Марий кундемышке толмек, Оршанкыште рецептатор-контролер, аптека вуйлатыше лийын. Ты годымак шинчымашым заочно Перьм оласе институтышто да Марий кугыжаныш университетыште келгемден. Суфия Ханяфиевна «Ӱдырамаш-амалкалче» конкурсын сеҥышыже.

Коленыт

Тугак ончо: Категорий:Кылме тылзын 2 кечынже колышо-влак

Калык пале

• Артемийын кечыже. Ты кечын шочшо-влакын аралыше суксышт – чодырасе ава пире манын ушаненыт. Тудын янлык да вольык дене койдымо кыл уло, маныныт. Ты кечын пире урмыжеш гын – шушаш теле йушто лиеш!

	2 кылме Викиклатыште?