23 шорыкйол

23 шорыкйол (23 январь) — григориан кечышот почеш идалыкын 23-шо кечыже. Идалык пытыме марте 342 (кужемдыме ийлаште — 343) кече кодеш.

Пайрем да памятный дате-влак

• Святитель Григорийын кечыже

Лӱмгече

Григорий, Макар, Павел, Феофан, Мария

Событий-влак

Тугак ончо: Категорий:Шорыкйол тылзын 23 кечысе событий-влак

• 1755 — Елизавета Петровна императрице Москошто икымше университетым почмо нерген кӱштыкыш кидпалым пыштен. Тиде Михаил Ломоносов ден граф Иван Иванович Шуваловын проектышт ыле.
• 1928 — Марий автоном областьын рӱдыжӧ Краснококшайск (Чарла) олалан Йошкар-Ола лӱмым пуымо.
• 1950 — Иерусалим ола Израильын рӱдолаже лийын.

Шочыныт

Тугак ончо: Категорий:Шорыкйол тылзын 23 кечынже шочшо-влак

Марий-влак коклаште

• 1935 — Емельянов, Пётр Емельянович, туныктыш пашаеҥ, Россий Федерацийын сулло да Совет Ушемын калык туныктышыжо, Совет Ушем Кӱшыл погынын депутатше. Пошкырт вел Калтаса кундемыште шочын. шочын. Ончыч шочмо Башкирийыште, вара Мари-Турек районысо школлаште туныктышылан тыршен. А 1963-шо ий гыч Оршанка педучилищыште марий йылме да литературым туныктышылан пашам ышташ тӱҥалын. Кугу специалистлан шотлалтеш. Вет Пётр Емельянович ятыр учебникын, туныктымаш программын авторжо.
• 1953 — Маклашин, Борис Владимирович, Марий Элын сулло сӱретчыже, туныктышо, Россий Федераций культурын заслуженный пашаеҥже, Марий Эл Республикын заслуженный художникше. Самара олаште шочын-кушкын, но суапле пашаж дене Марий кундемыште пашам ыштымыж годым кугу чапым сулен. 10 ий ончыч Йошкар-Оласе тӱссымыктыш училищын вуйлатышыже лийын. Тудын ончерже-влак Российысе чыла олалаште да йот эллаштат эртеныт.
• 1954 — Василий Александрович Пектеев (Санян Вачи), марий серызе, почеламутчо, артист, режиссёр, мурызо, мер пашаеҥ, Марий Эл Республикысе тӱвыран сулло пашаеҥже (1995), Марий Эл Республикысе И.С. Палантай лӱмеш Кугыжаныш премийын лауреатше (1997), Йыван Кырла лÿмеш театр премийын лауреатше (1997), Мер Каҥашын икымше Оньыжаже (1992-2000).
• 1961 — Морохин, Николай Владимирович, шанче-этнограф. Угарман кундемыште илыше мари-влакын йӱлаштым, историйжым шымлен. Угарман кугыжаныш университетын профессоржо, историй шанче доктор.
• 1949 — Калабашкин, Вячеслав Михайлович, кугыжаныш пашаеҥ, Марий Элын сулло калык илышкыл аралтыш пашаеҥже. Шкеже Провой кундем гыч. Ятыр ий Волжск оласе комитетыште да райисполкомышто пашам ыштен. 15 ий республикынан КПСС обкомышто тыршен, министрын алмаштышыже, а 2001-ше ий гыч Марий Эл республикын калык илышкыл аралыме да пашалык шотышто министрын икымше алмаштышыже лийын.

Коленыт

Тугак ончо: Категорий:Шорыкйол тылзын 23 кечынже колышо-влак

• 1973 — Константин Исаков (Константин Афанасьевич Исаков), марий серызе, почеламутчо, журналист, драматург, артист, 1941–1945 ийласе Кугу Ачамланде сарын участникше.

Калык пале

• Ожно палемденыт: тиде кечын могай игече шога - кеҥеж тыгаяк лиеш.
• Мардеж кечывалвелым гын кроза кеҥеж лийшаш.

	23 шорыкйол Викиклатыште?