28 ага

28 ага (28 май) — григориан кечышот почеш идалыкын 148-ше (кужемдыме ийлаште — 149-ше) кечыже. Идалык пытыме марте 217 кече кодеш.

Пайрем да памятный дате-влак

• Пограничник-влакын кечышт. Тиде пайремым 1958 ийыште палемдаш тÿҥалыныт.

Лӱмгече

Ага тылзын коло кандашымше кечынже Дмитрий, Макар, Пахом–влакын лӱм кечышт.

Событий-влак

Тугак ончо: Категорий:Ага тылзын 28 кечысе событий-влак

• 1756 ийыште майонезым ыштен луктыныт.
• 1987 ийыште Йошкар Площадьыште Немыч Эл гыч студент Матиас Руст шке самолётшым шынден. Кугу пайрем кечын чекым вончен, Моско марте чоҥештен толшо самырык еҥым 4 ийлан судитленыт. Тидын годымак ПВО командований гыч ятыр генерал ден офицерым луктын колтеныт.

Шочыныт

Тугак ончо: Категорий:Ага тылзын 28 кечынже шочшо-влак

• 1920 — Юрий Петров, руш серызе, почеламутчо, журналист, мер пашаеҥ, Марий АССР-ысе Кугыжаныш премийын лауреатше (1977), Марий АССР-ысе тӱвыран сулло пашаеҥже (1980).
• 1927 — Лидия Петровна Васикова, марий йылмызе, филологий шанче доктор, профессор, Марий АССР-ысе шанчын сулло пашаеҥже, Россий Федерацийысе шанчын сулло пашаеҥже, Эстон Республикын 5-ше степенян «Маарьямаа Ырес» орденын кавалерже. 30 ий тудо Марий кугыжаныш педагогик институтышто пашам ыштен, а вара 25 ий наре Марий кугыжаныш университетыште тыршен. Тӱҥ шотышто Лидия Петровна руш йылмым шымлен: социолингвистик дене ик эн кугу специалистлан шотлалтын.
• 1939 — Геннадий Чемеков, марий серызе, почеламутчо, журналист.
• 1953 — Владимир Иванович Чистополов, руш серызе, почеламутчо, журналист, Марий Эл Республикын сулло журналистше (2002), Россий Серызе-влак ушемын йыжъеҥже (2003).
• 1963 — Николай Алексеевич Смирнов, Марий Элысе тӱвыран сулло пашаеҥже, президент школын вуйлатышыжлан пашам ышта. Тидын годымак шке еш ансамбльжым чумырен, тӱрлӧ вере мастарлыкшым ончыкта. Курыкмарий кундемыште шочын.
• 1950 — Вера Александровна Береславская, туныктыш пашаеҥ. Шкеже Йошкар-Олаштак шочын-кушкын. Паша корныжо Марий кугыжаныш техник университет дене кылдалтын: тыште тудо финанс да экономик кафедрын вуйлатышыжлан тырша.

Коленыт

Тугак ончо: Категорий:Ага тылзын 28 кечынже колышо-влак

• 1923 — Павел Петрович Глезденёв (Пагул Ача) марий серызе, йылмызе, кусарыше, туныктышо, сотемдарче, этнограф, журналист, мер да шанче пашаеҥ.
• 1924 — Ялмарий Йыван, марий серызе, журналист, драматург, туныктышо, 1941–1945 ийласе Кугу Ачамланде сарын участникше.

Калык пале

• Таче руш православий йӱлам кучышо-влак Шнуй Пахомым шарналтат. Тиде кечын нимомат шындаш але ӱдаш ок лий улмаш: лач вара шындыме шыдаҥым гына ӱдыман.
• Марий кугезына-влак гын тыгай калык палым эскереныт: кечыйол пычкемышалтмыла коеш, кечывалым чот эҥда гын – кӱдырчан йӱрлан.

	28 ага Викиклатыште?