31 сорла

31 cорла (31 август) — григориан кечышот почеш идалыкын 243-шо (кужемдыме ийлаште — 244-ше) кечыже. Идалык пытыме марте 122 кече кодеш.

Пайрем да памятный дате-влак

• Киргизий — Эрыкан лийме кече.
• Малайзий — Эрыкан лийме кече.
• Молдавий — Кугыжаныш йылме кече.
• Польша — Солидарность да эрык кече.
• Тринидад да Тобаго — Эрыкан лийме кече.
• Узбекистан — Узбекистаныште репрессийыш логалше-влакым шарныме кече.
• Россий — Ветеринар кече.

Лӱмгече

• Танле (православный) лӱм-влак:
  • Пӧръеҥ лӱм-влак:
    • Варнава — преподобный Варнава;
    • Георгий — святитель Георгий I, патриарх Константинопольский
    • Григорий — священномученик Григорий (Бронников);
    • Дионисий — мученик Дионисий Требийский;
    • Евгений — мученик Евгений (Дмитров), псаломщик;
    • Емилиан — священномученик Емилиан Требийский, епископ;
    • Ерм — мученик Ерм Римский;
    • Ермипп — мученик Ермипп Требийский;
    • Иларион — священномученик Иларион Требийский;
    • Иоанн:
      • святитель Иоанн V, патриарх Константинопольский;
      • преподобный Иоанн Рыльский;
    • Лавр — великомученик Лавр Иллирийский;
    • Лев — мученик Лев;
    • Лука — преподобный Лука Болгарский;
    • Макарий — исповедник Макарий Пеликитский;
    • Михаил — мученик Михаил (Ерегодский);
    • Полиен — мученик Полиен Римский;
    • Серапион — мученик Серапион Римский;
    • Софроний — преподобный Софроний;
    • Флор — великомученик Флор Иллирийский;
    • Христофор — преподобный Христофор.
  • Ӱдырамаш лӱм-влак:
    • Иулиания — мученица Иулиания;
    • Иулитта — Иулитта.

Событий-влак

Тугак ончо: Категорий:Сорла тылзын 31 кечысе событий-влак

Марий тӱняште

• 1938 ий — Яков Эшпай лумеш кугыжаныш филармонийым почыныт.

Тӱня мучко

• 1935 ий — Донбасс шахтёр Алексей Стаханов мландешӱйым лукмо нормым 14 пачаш кугемден. Тыге «стахановский движений» шочын.
• 1986 ий — Новороссийск воктене «Адмирал Нахимов» пассажир лайнер вӱд йымак каен.
• 1990 ий — ГДР ден ФРГ ушнымышт нерген вашкелшыкым кидым пыштыме.

Шочыныт

Тугак ончо: Категорий:Сорла тылзын 31 кечынже шочшо-влак

• 1940 ий — Людмила Константиновна Елизарова, туныктыш пашаеҥ, Марий Эл Республикын калык туныктышыжо. Тудо мӱндыр Узбекистан элыште шочын-кушкын. Марий кугыжаныш педагогик институтым тунем лекмек, Волжск оласе 3-шо №-ан школышто туныктышылан пашам ышташ тӱҥалын, вара 7-ше да 6-шо №-ан школлаште тыршен. Чыла школыштыжат Людмила Константиновна тоштер пашам вӱден шоген, профессионал конкурслаште ятыр гана сеҥышыш лектын.
• 1945 ий — Виталий Лаврентьевич Богданов, журналист да поэт. Тудо Шернур кундем Купран ял гыч. Пашам «Марий Эл» газет редакцийыште ыштен. Сылнымут аланыштат кугу чапым сулен: «Мый шыргыжмашым шочынам тӱрлаш» книган авторжо. Калык кызытат тудын пашаже-влакым куанен лудеш да порын-порын шарна.
• 1946 ий — Александр Александрович Соловьёв, полиграфист, Марий Эл Республикысе тӱвыран сулло пашаеҥже. Тудо гын Провой кундем Нурда ял гыч. Кугыжаныш савыктыш комитет вуйлатышын алмаштышыжлан да тӱҥ инженерлан 7 ий тыршыме деч вара, республикысе полиграфий-редакций ушемын вуйлатышыжлан шогалын. 1993-2002-шо ийлаште марий савыктыш комбинатын вуйлатышыже лийын.
• 1955 ий — Наталия Игоревна Кожанова, туныктыш пашаеҥ да журналист, Марий Эл Республикысе шанчын сулло пашаеҥже. Паша корныжо Марий кугыжаныш техник университет дене кылдалтын. Но журналистик пашаштат шуаралтеш: «12 регион телекомпаний» ушемыште тырша.
• 1955 ий — Александр Иванович Винокуров, туныктыш пашаеҥ. Тудо Татарстан Эл Альметьевск олаште шочын-кушкын. Марий кугыжаныш университетысе химий да биологий факультетысе тӱҥ химий кафедрыште ынде ятыр ий тырша. Химий шанче кандидат. Марий Эл Республикысе туныктышын сулло пашаеҥже.
• 1966 ий — Зоя Висвис (Зоя Александровна Тимофеева), марий серызе, почеламутчо, журналист.
• 1967 ий — Александр Коковихин, руш серызе, почеламутчо, амалкалче, Марий Эл Республикысе Олык Ипай лӱмеш Кугыжаныш самырыктукым премийын лауреатше (1998), Россий Cерызе-влак ушемын йыжъеҥже (2001).

Коленыт

Тугак ончо: Категорий:Сорла тылзын 31 кечынже колышо-влак

Калык пале

• Флорын да Лаврын кечыже. Ты кечын кресаньык-влак шке имньыштым кандареныт, нимогай пашаш луктын огытыл. Ӱдырамаш-влак икте-весе дек унала кошташ тӱҥалыныт.
• Озанлык пашаеҥ-влак ожно тиде кечын теве мом ыштеныт, пакча але нурышто кушшо полин вондым луктыныт, да онченыт: вожшо пенгыде гын, вес ийын уржа-сорла сай лиеш.

	31 сорла Викиклатыште?