5 вӱдшор

5 вӱдшор (5 апрель) — григориан кечышот почеш идалыкын 95-ше (кужемдыме ийлаште — 96-шо) кечыже. Идалык пытыме марте 270 кече кодеш.

Пайрем да памятный дате-влак

• Марий Эл — Товло кече
• Калык-влак кокласе шӱр кече

Лӱмгече

• Католик лӱм-влак: Альберт, Винсент, Дерфель, Екатерина, (Д)Жеральд, Мария, Руадан, Этельбурга, Юлиана.
• Танле (православный) лӱм-влак: Алексей, Амфилохий, Анастасия, Боголеп, Варвара, Василий, Илья, Кронид, Лидия, Макарий, Македон, Никон, Пелагея, Сергей, Стефан, Феопрепий, Филит.

Событий-влак

Тугак ончо: Категорий:Вӱдшор тылзын 5 кечысе событий-влак

• 1722 — адмирал Якоб Роггевенын экспедицийже Пасха отром муын. Тушто абориген-влак иленыт, но эн чот öрыктарышыже орто мучко шогышо чапкÿ-истукан-влак. Нуным «моаи» маныт.
• 1938 — Марий Кугыжаныш драме театрын сценыштыже Сергей Николаевын «Салика» пьесыж почеш шындыме спектакльым икымше гана модын ончыктеныт.
• 1963 — Эрик Сапаевын «Акпатыр» оперын премьерыже эртен.
• 1955 — Уинстон Черчилль Английын премьер-министрже пост гыч каен.
• 1989 — историйыште икымше гана ÿдырамаш-влакын вивальди-оркестрже концертым пуэн.

Шочыныт

Тугак ончо: Категорий:Вӱдшор тылзын 5 кечынже шочшо-влак

• 1928 — Михаил Данилович Самусев, йӧнозанлык пашаеҥ, Марий Эл Республикын сулло шанчыенже да техникын пашаеҥже. Йошкар-Олашке 1947-ше ийыште толын. Машина чоҥымо да «Контакт» заводлаште, «Биомашприбор» ушемыште тыршен. Пашажым аклен, тудым Октябрь Революций, Ленинын да Йошкар Знамя Паша орден-влак дене палемденыт.
• 1950 — Валерий Иванович Михеев, профсоюз пашаеҥ. Паша корныжо Поранча кундемысе тӱвыра пӧртыштӧ тӱҥалын, вара «Контакт» заводыштат ятыр ий тыршен. 1985-ше ий гыч профсоюз пашаште: Марий областной профсоюз–влакын ушем пӧлкан вуйлатышыже лийын. 1994-ше ийыште Кугыжаныш тӧнежыште тыршыше-влакын профсоюз комитетым вуйлаташ шогалын.
• 1945 — Виктор Петрович Антихович, спортсмен да тренер, Россий Федерацийын сулло тренерже. Ончыч Йошкар-Оласе «Спартак» командыште модын, вара Куйбышев, Озаҥ, Ростов-на-Дону, Самара, Тольятти, Сочи, Владивосток олалаште футбол команды-влакым вуйлатен.
• 1958 — Раисия Алексеевна Кудрявцева, марий йылмызе, шанчызе, туныктышо, филологий шанче кандидат (1987), доцент (2002), филологий шанче доктор (2009), профессор (2012), Россий Федерацийын кӱшыл профессионал туныктышын почётан пашаеҥже (2012), Марий Эл Республикысе шанчын сулло пашаеҥже (2020).
• 1950 — Василий Илларионович Эманов, Мари-Турек кундемыште шочын-кушшо тале спортсмен. Европысо да тӱнямбалсе чемпионатлаштат тудо шке вийжым терген.

Коленыт

Тугак ончо: Категорий:Вӱдшор тылзын 5 кечынже колышо-влак

• 1997 — Осмин Йыван, серызе, почеламутчо, кусарыше, СССР Серызе-влак ушемын йыжъеҥже (1940), Марий Эл Республикысе С.Г. Чавайн лӱмеш Кугыжаныш премийын лауреатше (1993), Марий Эл Республикын Калык почеламутчыжо (1997).

Калык пале

Никонын кечыже. Тиде кечын ожно пöртым эрыктеныт: кÿварым, тувырашым мушкыныт. Тидлан пÿртньк гыч лÿмын ямдылыме вартышым кучылтыныт. Пÿртьыкан выньык дене мончаш пуреныт да пÿртньыкан чайым йÿыныт. Эсогыл, мÿгиндымат кÿэштме годым пÿртьыкым ешареныт.

	5 вӱдшор Викиклатыште?