1 вӱдшор

1 вӱдшор (1 апрель) — григориан кечышот почеш идалыкын 91-ше (кужемдыме ийлаште — 92-шо) кечыже. Идалык пытыме марте 274 кече кодеш.

Пайрем да памятный дате-влак

• Окмакын кечыже але Воштылчык кече палемдалтеш. Тиде кечын чылан ваш–ваш ондалкалат, тӱрлӧ мыскарам ыштат. Ты йӱла Францийыште лектын улмаш. Но ожно «окмак–влакын пайремыштым» 17 Пургыжышто палемденыт.
• Кайык пайрем. Тудо 1906-шо ий гыч палемдалтеш. Вӱдшор тылзын икымше кечынже кайыкым аралыме калык кокласе конвенцийыш кидым пыштыме, а Россий тудын деке 1927-ше ийыште ушнен.

Лӱмгече

• Католик лӱм-влак: Валерий, Гильберт, Келлах, Мелитон, Феодора, Теодора, Теудриг, Хью, Целестин, Цельс
• Танле (православный) лӱм-влак: Васса, Дарья, Диодор, Иасон, Иван, Илария, Иннокентий, Клавдий, Мавр, Мариан, Матрона, Панхарий, София, Хрисанф, Дмитрий, Кромит, Мартирий

Событий-влак

Тугак ончо: Категорий:Вӱдшор тылзын 1 кечысе событий-влак

• 1748 ий — Помпей ола олмышто раскопкым тÿҥалыныт. Тиде ола Везувий вулкан помыжалтмылан кöра йÿлен йомын.
• 1778 ий — доллар окса шочын.
• 1930 ий — «Голубой ангел» фильмым икымше гана ончыктеныт, тиддеч вара актриса Марлен Дитрих уло тÿнялан палыме лийын.
• 1938 ий — Швейцарийыште кофен презентацийже эртен. Тиде йÿышым кумдан кучылташ тÿҥалыныт.

Шочыныт

Тугак ончо: Категорий:Вӱдшор тылзын 1 кечынже шочшо-влак

• 1809 ий — Николай Васильевич Гоголь, руш серызе.
• 1815 ий — Отто фон Бисмарк, кугыжа, политик, кугыжаныш пашаеҥ, Кокымшо рейх Герман империйын икымше канцлерже.
• 1893 ий — Тыныш Осып, марий серызе, туныктышо, драматург, кусарыше, СССР Серызе-влак ушемын йыжъеҥже (1934).
• 1895 ий — Аргус, Никон Игнатьев, курыкмарий серызе, кусарыше, СССР Серызе-влак ушемын йыжъеҥже (1934).
• 1934 ий — Анна Ивановна Бякова, туныктыш пашаеҥ, Россий Федерацийысе школын сулло туныктышыжо. Паша корныжо Советский посёлкысо 1 №-ан школышто тӱҥалын. Умбакыже вуйлатышын алмаштышыжлан, завучланат тыршен.
• 1941 ий — Алексей Яковлевич Акишин, шанчыеҥ, Россий Федерацийысе кӱшыл школын сулло пашаҥеже. Пенза кундемысе Ильмино селаште шочын. Йошкар-Олашке 1971-ше ийыште толын да Марий кугыжаныш университетышке пашам ышташ пурен. 5 ий кушкыл-влак кафедрымат вуйлатен. Ял озанлык шанче кандидат, профессор.
• 1950 ий — Вячеслав Михайлович Щеглов, Йошкар-Олаште шочын-кушшо спортсмен. 1994-ше ий гыч тудо «Щеглов» лӱман ушемын вуйлатышыжлан шогалын. Автомобиль спорт дене Совет Ушем чепион лӱмымат сулен налын. Олык Ипай лӱмеш премийын лауреатше, Совет Ушем спорт мастер.
• 1958 ий — Эмма Петровна Бронникова, марий шанчызе, туныктышо, педагогике шанче кандидат (1997), доцент (2001).

Коленыт

Тугак ончо: Категорий:Вӱдшор тылзын 1 кечынже колышо-влак

Калык пале

• Дарьян кечыже. Тиде кечын вÿдшор мÿгыра гын – кеҥеж вашеш шудо нугыдо шочеш. Посна тÿткышым суртводыжлан ойыреныт: тудым пырля кочкаш шинчаш ÿжыныт, лÿмын пучымышым шолтеныт.

	1 вӱдшор Викиклатыште?