13 шыжа

13 шыжа (13 октябрь) — григориан кечышот почеш идалыкын 286-шо (кужемдыме ийлаште — 287-ше) кечыже. Идалык пытыме марте 79 кече кодеш.

Пайрем да памятный дате-влак

• Азербайджан — Кӱртньыгорно пашаҥ-влакын кечышт.

Лӱмгече

Шыжа тылзын латкумшо кечынже Григорий, Леонид, Вячеслав, Александра да Михаил – влакын лӱмгечышт.

Событий-влак

Тугак ончо: Категорий:Шыжа тылзын 13 кечысе событий-влак

• 1792 ий — США-н президентшын резиденцийжым чоҥаш тӱҥалме. Тудо кызытат шке статусшым йомдарен огыл.
• 1883 ий — Российысе театрал-влакын мер ушемыштым почмо.
• 2006 ий — ООН-ын серетарьжылан Пан Ги Мун шогалын.

Шочыныт

Тугак ончо: Категорий:Шыжа тылзын 13 кечынже шочшо-влак

• 1946 ий — Юрий Никитьевич Алексеев, Марий Эл Республикысе ял озанлыкын сулло пашаеҥже. Тудо Морко кундем Кужнур ялыште шочын. Ончычсо паша корныжо шочмо кундемысе «Родина» колхоз дене кылдалтын: тыште тудо вуйлатышыланат тыршен. 7 ий Морко кундемысе администраций вуйлатыше лийын. 2001-ше ий гыч - Марий Эл ял озанлык министрын алмыштышыже. Кугыжаныш погынын депутатше сомылымат ятыр ий шуктен.
• 1948 ий — Нина Петровна Селюнина-Рочева, спортсменка, кӱшыл классан тале ечызе, тӱнямбалсе чемпионка, Олимпийсе модмашын ший призёржо, Марий Эл Республик тӱвыран, Россий Федераций капкультур пашан сулло пашаеҥже. Шкеже Киров вел Вӱрзым кундем гыч. Шинчымашым Шернур школ-интернатыште, медучилищыште поген. 1976-шо ийыште Сыктывкарыш илаш куснен. Марий калык тале спортсменкам кызытат шарна: мутлан, Шернур кундемыште Нина Петровна лӱмеш ӱчашымаш-влакым эртарат.
• 1961 ий — Александр Алексеевич Александров, Морко кундемысе Киров лÿмеш ял озанлык артель вуйлатыше.

Коленыт

Тугак ончо: Категорий:Шыжа тылзын 13 кечынже колышо-влак

• 1942 ий — Пётр Григорьевич Першуткин (Пет Першут), курыкмарий серызе, почеламутчо, 1941–1945 ийласе Кугу Ачамланде сарын участникше.
• 1994 ий — Елизар Янгильдин, марий серызе, кусарыше, журналист, 1941–1945 ийласе Кугу Ачамланде сарын участникше.

Калык пале

Михаилын кечыже. Ожно ты кечын ӱдырамаш-влак шке тошто олым тӱшакыштым йӱлалтеныт. Михаил кечын вочшо лум телын вара толмыжо нерген шижтара.

	13 шыжа Викиклатыште?